METIU 13:23 - ANU LUGOD N. T. (BSI)

²³ Ainc amo:do okodcm pittunganc odok agomdc, cdc scmpc sc:ko agomdcm taddaganc odokkc cdcm mcngkindag; bv aropakpc a:ycm e:dag, odokkc lenmodag, abangkolo lvngkoko, akonkol yvngkekopc, odokkc akonkolo yvngumkopc.”

METIU 13:23 ပူးပေါင်းရင်းမြစ်များ

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

METIU 12:33

“Vsv:dcmci aimotoka, odokkc odok a:ycdc aiyc; cdcmpcma:mvlo vsvdcm aima:pc imotoka, odokkc odok a:ycdc aima:ycpc; kapcnc vsv:dcm odok a:ycdokki kinna:dag.

METIU 13:8

Ake ammokvdv:dc ainc amo:lo dc:yikang odokkc a:yc engkang; akke lvngko, akke yingkeko, akke yingumko.

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

METIU 3:8

Mc:dvrra mcngkutsunamlok asinang gckampc gctoka,

LU:KKC 13:9

Odokkc lungying sc a:yc e:mvlo, odo a:yc e:yc. Cmpige:la cdcmpc ima:mvlo, no cdcm tc:la:ycpc.’ ”

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

PILIPIANG KVDVNG 4:17

Ngo:jc amandcm maka cdcmpila:mang; cmpige:la nolukkc bojcbomna gvbomnamdcm ngo mado.

2 KORINTIANGKVDVNG 9:10

Sc:kobv amni: pidncdcm amni:ycm biya:doji odokkc donam lcgangc pitangcm biycji noluk kanamcm bi:ya:ycpc odokkc bojcrungko imoycpc odokkc noluk dormo kanamdok arvgcm bojcmoycpc.

AGER KVDVNG 17:11

Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

AGER KVDVNG 16:14

Noluk agom tadnckvdv:dok akonc Tiatira nogordok Lidia cmnam nc:ngkai, ba:yomcmpc genc attarcm konckonc, sc:kobv Ru:ncpvncmc kumncka:ji. Ru:tumbv bvk asindcm Poulbv okodcm lubitoji cdcm tadgapdopc kuge:moto.

JO:N 8:47

Sc:kobv Ru:ncpvnckcnc Ru:ncpvnckc agomcm taddag; nolu kapila cdcmbulum tadma:nc lcga:dc nolu Ru:ncpvnckcmang.”

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

MARKKC 10:15

Aropakpc, ngo nolum lubidung, sc:kobvi ko:kangcmpc ima:ycnc Ru:ncsa:nckc migomdokodo:pc gva:langkuma:yc.”

MARKKC 4:20

Cmpige:la cdc ainc amo:do pidnamkvdv:dcbuluna sc:kobulu agomdcm taddagnc odokkc cdcm torvgsudag odokkc a:ycm e:dag, vyvng awumkopc odokkc vyvng akkcngko odokkc lvngkokopc.”

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.

HIBRIUKVDVNG 6:7

Kapila:nc oko amo:dc lckko lckko:lo olednc pcdong asidcm mu:dagnc cdcm, odokkc ncsin ncge:ycm sa:modagnc cdc sc:kobluk lcgangc arvgcm idagji odokbuluk lcgangc agerro aidopc, Ru:ncpvnckolok akirba:dcm pa:dag.

LU:KKC 8:8

Odokkc akedc ainc amo:lo dc:yingkang odokkc sangkang, odokkc lvngko anyikopc a:yc engkang.” Bv cdcm luge:la, Bv jc:la luto, “Sckkc tadnanc yerungc du:nc, bvm tadmotoka.”