METIU 13:22 - ANU LUGOD N. T. (BSI)

²² Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

METIU 13:22 ပူးပေါင်းရင်းမြစ်များ

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

LU:KKC 8:14

Odokkc ta:ng alcgolok dcnga:nc kvdv:dc kapc ika:nc, buluk lambclo gvtvla du:la turra du:dosok mitcmircmcm odokkc mc:pomcngancm mcnggo:la mc:motsula du:dag, odokkc buluk a:yckvdv:dc jv:mang.

LU:KKC 12:15

Odokkc Bv bvm luto, “Ansutoka, odokkc ka:bomc:bonam appv:lokkcm avyc ansula du:langka; kapila:nc tani:akolok turnamdc bvk bojcrungko attar kanamsv:nam-dokkimang.”

2 TIMOTI 4:10

Kapcnc Dema:bv, sc silokc mo:pvscm airu:pc aipc mc:dung, ngom mcpakto odokkc Tissaloniangpc gvkang; Kressenbv Galatia:pc gvkang, Titusbv Dalmatia:pc. Lu:kkc atcrc ngok lcdulo dung.

METIU 13:7

Ake ammokvdv:dc ta:ng alcgkvdv:do dcngangkang, odokkc ta:ngkvdv:dc jarsangkang odokkc cdcmbulum sa:rumla mokkeyamto.

LU:KKC 12:21

“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

AGER KVDVNG 8:18

Cdcmpc idodcm ager gerdopc mclvgnam tani:kvdv:dok alagcm pigabge:la Yalodcm bito cmna kangge:la, bv bulum murkongcm bito, scmpc lula,

METIU 12:32

Odokkc sc:koi agom apirko tani: Awodok lukampc tadma:pc luycnc bvm mc:yinsuyc; ckvdaggom Angunnc Yalodok birudi:pc luncdcm mc:yinsuma:yc, su:pak du:do-ycdoscm cdcmanggom a:pcnc du:do-ycdokvdv:domsin.

METIU 13:39

odokkc mirudc sc:ko cdcmbulum pittonc cdc Satandc; arvg gaddvdc mo:pvsok gvngap aninnam, odokkc arvg gadnckvdv:dc Ru:nckc lutad lunckvdv:dc.

METIU 13:40

V:ngkvdv:dcm gingkumsuge:la vmvkokki rompagamnamdcmpc, cdcmv:pc mo:pvsok gvngapdagdo:sin iyc.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

1 KORINTIANG KVDVNG 1:20

Kinncpa:nc tani:dc okolon? Agom poyirncdc okolon? Sc ayirkvdv:sok agom svgka:mvnsula luka:mvnsunc kvdv:dc okola:n? Ru:ncpvncbv mo:pvsok kinnampa:namkvdv:dcm Ru:ncpncbv monba: ba:ncpc imoma:lang.

1 KORINTIANG KVDVNG 2:6

Ckvdaggom sv:batsunckvdv:dok ara:do ngolu kinnam pa:namcm cdcmanggom sc rcngam ayirsok migomdonckvdv:dc, sc:kobulu siycrung cmna pelvgnammcji.

1 KORINTIANG KVDVNG 2:8

Cdcm sc rcngam ayirsok migom donc akosin mcngkintomang; kapila:nc bulu kinya:mvlo, bulu amin gvnc Ru:tummc Kuruslo pvtkema:ya:pc.

1 KORINTIANG KVDVNG 3:18

Sc:kosin avycm yatsumoyoka. Nolukkolok akonc sc rcngam ayir-kvdv:so kinncpa:nc cmna mc:suycmvlo, bvm monba:ba:ncpc badmolang kinncpa:ncpc bv baddopc.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.