46 Tani:kvdv:dcm lula du:du:dcm, ka:toka,
Jisu Kristomc scmpc oto. Cdvlo Bvk anc Meri:mc Josepkcpc tadpvrtonc, bvnyi lckopc du:bosuma:dapci bvm Angunnc Yalodokki ko:ko amvrro dung cmna kinto;
Bvk ancdc odokkc bvrrang kvdv:dc mo:ro:do daga:to, Bvm luposupc cmna.
Sc vsvng attar moncdok awodc:ma:lang? Bvk ancdcm Meri: cmma:lang? Odokkc Bvk bvrrangkvdv:dc Jakob, Jusep, Simon odokkc Juda:bv:ma:lang?
Odokkc okum arardo:pc gva:labulu Bvk anc Meri:kc lcdulo du:mvnnamdcm ka:to, odokkc bulu cgsordanna Bvm kumto. Odokkc, buluk airu:pc arckanc gasumkvdv:dcm sarrento, bulu Bvm amancm bito, avncm odokkc dunangcm odokkc namponc tulangcm.
“Darobtoka, kowaodcm odokkc bvk ancdcm gvbokang, odokkc Israel dungkopc gvkangkuk, kapila:nc sc:kobulu kowaodcm mokepc cmna madaganc bulu singabka:bong.”
Sc:kosin anu gainkokki aku gainno potakla attarcm ommang; bv cdcmpc imvlo cdc potakdc odokkc bedpakyc, akudc anudokkc, odokkc cdcmyam aima:ya:pc bedyc.
Sc vsvngki modun moncdc:ma:lang, Meri:kc awodc odokkc Jakobkc, Josepkc, Judangkc odokkc Simon buluk bvrodc, odokkc Bvk bvrrangkvdv:dc ngoluk lcdusc du:mvnma:lang?” Odokkc bulu Bvm aima:nc ager gernckop ka:to.
Odokkc kapila scmpc mclvgtagncm, ngok Ru:tumkc ancdc:jc ngokkoso:pc gvdu:nc?
Odokkc Bvk abudc:la Bvk ancdc Bvk agomcm okkomna lutoji tadla tadngaksukang;
Odokkc Simionbv bulum gerka:-pungka:lang cmto odokkc bvk anc Meri:mc luto, “Ka:toka, sc kowaoscm Israel ope:dok bojcru:lokkc aima:pc inamclang ainam lcgangc mclvtung, odokkc lugc-gcnamlok kanggotpc idopc
Odokkc Bvm bulu ka:la mcngapla:tomang; odokkc Bvk ancdc Bvm luto, “Aowa, kapila no ngolum scmpc iton? Ka:toka, nok ba:bolang ngo nom dungu:-dunga:ma:pc mago:la du:nc.”
Odokkc Bv buluk lcdulo gvmvnkangku odokkc Najaretpc gvkangku, odokkc buluk agom lukamdcmpci tattoku; odokkc Bvk ancdc cdc appvng agomdcm bvk asinbo mcnggapla lc:to.
“Nolum Ru:ncpvnckc Migom doko mo:pvdok lc:sula lc:nam agomdcm bitu:bong; cmpige:la akelokkcpc cdc bulu kvkanbila kvnam do:yv:lo dung, odomvlo bulu ka:tu:la:sin ka:begma:ycpc, odokkc tattu:la:sin bulu mcngkinsuma:ycpc.
Cmipge:la cdc mimag monc kvdv:dc cdcm ito. Cmpige:la Jisukc kurus ruido Bvk ancdc dagla dungai, odokkc Bvk ancdok bvrmcdc, Meri:bv Klopagkc nc:dc, odokkc Meri: Magdalini:bv,
Lowum longcdo Galildok Kanna:do midangko modungai, odokkc Jisukc ancdc odo dungai;
Odok lcdudo Bv Kapernaumpc gvkang, Bvk ancdc:la Bvk bvrrangkvdv:dc odokkc Bvk agom tadjvgla gvmvnnc tani:kvdv:dcm gvbosula; odokkc olo bulu lowum lo:pi:k du:to.
Bvk ancdc ager gerya:nc kvdv:dcm luto, “Bv nolum okkomci luycji itok.”
Cmpige:la Bvk bvrrang kvdv:dc doko tvngkodo:pc gvdag lcdudo, odokkc Bv:sin gvmvnkang, appvngkc gvkolo:mang cmpige:la angupc.
Cdcmpila Bvk bvrokvdv:dc bvm luto, “Scm mctok odokkc Judia:pc gvkang, nok agom tadjvgla gvmvnnc tani:kvdv:dc nok inam agomkvdv:dcm ka:dopc.
Kapila:nc bvk bvrrang kvdv:dc:sinci Bvm mc:jvgmangai.
Cdc appv:dc av avkvdv:dc asin mc:nam lckko:pc mc:to nc:ng kvdv:dokki kumnamno lckko:pc odokkc Jisukc anc Meri:bv, odokkc bvk bvrokvdv:dokki.
Ngolukkc yamncko du:bogvbosula du:la:nammc kama:nci, cdc ake mclvgla ager germonam kvdv:dcmpclang Ru:tumkc bvrokvdv:dcmpc odokkc Kepaskcmpc?
Cmpige:la ngo ake mclvgla ager germonamkvdv:dok akosin ka:begtomang Ru:tumkc bvro Jakobkc atcro:dok bahire.
