METIU 12:10 - ANU LUGOD N. T. (BSI)

¹⁰ Odokkc ka:toka, laksannc tani:akonc odo dungai. Odokkc bulu Bvm tawuto, “Yodla du:nam longcdo csa:mokunamdc Ru:nckc agom jvggabnamdcmpc gernamci? Cdcmpc bulu Bvm aima:pc lupa:pc cmna luto.”

METIU 12:10 ပူးပေါင်းရင်းမြစ်များ

LU:KKC 13:14

Ckvdaggom kumko okumdok ka:sv:mosv:ya:ncdc, kvnggv:pc aglvng sangkang kapila:nc Jisubv ager germa:pc yodla du:nam longcdo csa:motoku, tani:kvdv:dcm lubito, “opta:do ager gerpcnanc longkcngko dung; odo longckvdv:do gvlangka odokkc csa:molangkuka, odokkc ager germa:pc yodla du:nanc longckvdv:do:mang.”

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.

JO:N 8:6

Cdcm bulum Bvm anka:la ka:pc cmna luto, bulujen Bvk tayc:lo atvko lujcmko lupc cmna. Jisubv tu:mapge:la Bvk lakke:dokki amo:bolo adto.

JO:N 5:10

Cdcmpinamc cdc logcdc Ager germa:pc yodla du:nam longgai. Cmpige:la Jiwudi: kvdv:dc csa:mokunam tani:dcm luto, “Silo ager germa:pc yodla du:nanc longgc, no amrong asubdcm jo:namdc lujvg-lurodcmpc jo:murc.”

LU:KKC 11:54

Bvm lume:lula Bvm toya:la, Bv o:kailumvlo gagpc cmna, Bvm nv:rumbomkang.

METIU 12:2

Cmpige:la Parisi:kvdv:dc cdcm kangge:la, bulu Bvm luto, “Ka:tok, nok agom tadjvgla gvmvnnc tani:kvdv:dc yodnam longcdo lujvglurodo okkom ipcma:namc cmna lutagnc idung.”

JO:N 5:3

Odo bojcrungko mosimola:ma:nc gvla:nc dungai, miglunc, lambc gvla:ma:nc, intungko sinnc,

LU:KKC 23:2

Odokkc Bvm bulu imur murncko cmna lurrobbomkang, scmpc lula: lula, “Ngolu sc tani:scm ngoluk amongkc ope:scm aima:pc ibodopc pa:to, odokkc Kaesarmc murkong bima:dopc lulvgdag ngolum, odokkc ludag Bv avdci Kristo migombv.”

LU:KKC 23:14

odokkc bulum lubito, “Nolu sc tani:scm ngokkolo:pc sc:ko tani:kvdv:dcm aima:pc imurko ila gvbonckoncmpc gva:botak; odokkc noluk kangkolo luka:la kangge:la, ka:tok noluk lugc:lvgnam atv imurkosin Bvkkolo pa:tomang;

LU:KKC 20:22

Kaesarmc murkong binamdc lujvg lurodcmpc idonci ima:nci?”

METIU 19:3

Odokkc Parisi:kvdv:dc Bvkkolo:pc gva:to odokkc lukang kangkvto, scmpc lula, “Atvmum lcgangc akonkc nc:ngcm mcpakpa:dokun?”

MARKKC 3:2

Odokkc bulu Bvm kami:to, yoddo longgcm bvm csa:moyckuji csa:mokuma:ycji cmna, odomvlo bulu Bvm aima:pc lula:pc cmna.

JO:N 7:23

Yodla ager germa:pc du:dom tani:ycm gadpukkoi gaddomvlo, Mose:kc lujvg lurodok lukamdcmpc ima:pc ipckc cmna, nolu ngom aglv:dagnci ngo tani:pakko yodla ager-germa:pc du:do longcdcm csa:motokuncm?