METIU 11:6 - ANU LUGOD N. T. (BSI)

⁶ Odokkc sc:kobv ngok gvkolo gvnyi:ma:ycnc bv akirba:d pa:nc.”

METIU 11:6 ပူးပေါင်းရင်းမြစ်များ

1 KORINTIANG KVDVNG 2:14

Taycng among agom kinma:nc tani:dc Ru:ncpvnckc Yalodcm torvgsumang, kapila:nc bvkkcpc cdcbulu monba:ba:namc, odokkc bv cdcmbulum mcngkinmang lcga:dc bulu taycng among agomlokkipak aidag aimang cmna angumodag.

METIU 26:31

Odo Jisubv bulum luto, “Siyumkc yumcscm nolu appvngc ngok lcga:pc invgsikor pa:yc; kapila:nc cdcm adla lc:tag, ‘Ngo mer-soben ka:sv:ncdcm dcmyc, odokkc me:r-soben kcrc:dc dugpidamsuyc.’

JO:N 6:66

Odok lcdudokkc bojcrungko agom tadjvgla gvmvnnc kvdv:dc gvladamkangku odokkc Bvk lcdulo cdvlosin gvmvntokuma:bong.

METIU 24:10

Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

1 PITOR 2:8

“Odokkc vlvng apvko okodc tani: kvdv:dcm lcsudsumoycnc, pvtan vlvngkonc jc okodc bulum oledmoycpc;” Kapcnc bulu lcsudsudag lcga:dc bulu agomdcm lukamdcmpc tadmang, kapc bulum ilangka cmna lutungaji.

METIU 18:7

“Pa:p du:la:yam ankangkangkvnam kvdv:dok lcgangc rcngamsokkcpc mc:dvr-mc:so:pcnamc! Kapia:nc unkangkangkvnamdc a:ycrung, ckvdaggom sc:kobvi mc:boka:bonammc a:dagnc cdc tani:dc mc:dvrmc:so:pcnamc!

GALATIANG KVDVNG 5:11

Cmpige:la ngo idaggom, bvrokvdvnga, gadpuknamdcm su:paksin lutadbidu:mvlo, kapila ngo su:paksinci ipusire:kosuycn? Odo agomdo Kurusdok lcsudla otapbonc sv:tu:dcm la:paktobong.

LU:KKC 2:34

Odokkc Simionbv bulum gerka:-pungka:lang cmto odokkc bvk anc Meri:mc luto, “Ka:toka, sc kowaoscm Israel ope:dok bojcru:lokkc aima:pc inamclang ainam lcgangc mclvtung, odokkc lugc-gcnamlok kanggotpc idopc

METIU 5:29

Nok lagbvkkc amikdc pa:bcm imodagmvlo, cdcm karrensutok odokkc cdcm yoppaktoka; nok amvr appv:dcm uiamo:pc cra:lvgkosunamdcmpcyam amvrdok abangko mcpaknamdc aiya:dag.

METIU 13:21

Cmpidaggom bvkkc avkc appvrdu:suma:la, ckvdaggom asudowko sagrasula du:do, odokkc cdvlo asin mc:dvrmc:songc cdcmanggom ipusire:yc lensa:ycji agom tadnam lcgangc, lomdanna bv sanpakdag.

MARKKC 6:3

Sc vsvngki modun moncdc:ma:lang, Meri:kc awodc odokkc Jakobkc, Josepkc, Judangkc odokkc Simon buluk bvrodc, odokkc Bvk bvrrangkvdv:dc ngoluk lcdusc du:mvnma:lang?” Odokkc bulu Bvm aima:nc ager gernckop ka:to.

LU:KKC 7:23

Odokkc sc:kobvi ngokkolo invgsikorko pa:ma:nc bv gerncpu:nc.”

JO:N 16:1

“Ngo nolum imursiyarkolokkcm motumpc cmna sc appv:scm lubitobong.