METIU 11:21 - ANU LUGOD N. T. (BSI)

²¹ “Nolukkc mc:dvrpcnamc, Korajinkvdvnga! Nolukkc mc:dvrpcnamc, Betsaidanga! Kapila:nc nolukkolo bottaru:pc gernam agerkvdv:dcm Ti:rc odokkc Sidondo gerya:mvlo, bulu bojcrungko po:pcbong asinc mc:dvrra mcngkutsuyyangkupc toilang gaincm gcge:la odokkc mcdbulo dungge:la.

METIU 11:21 ပူးပေါင်းရင်းမြစ်များ

AGER KVDVNG 12:20

Cdcmpidodcm Herodbv Ti:rclang Sidondok tani:kvdv:dcm aglvngkangai; odokkc bulu bvkkolo:pc lckko:pc gva:to, odokkc Blastu:mc lulvgla, migomdok bottarya:nc ager gergurnc, mcnganko mato, kapila:nc buluk amo:dc migomdok amo:do dogang lcgangc gvtinsudagai.

JO:N 12:21

Cdcmpila cdcbulu Pilipkolo:pc gva:to, sc:kobv Galildok Betsaida dokka:ji, odokkc bvm luto, “Miganga, ngolu Jisumc ka:lv:dag.”

LU:KKC 9:10

Agom taddjvgla gvmvnnc tani:kvdv:dc oko okkom itoji gvlatlangkula Bvm lubitoku. Odokkc Bv bulum angupc gvpakla gvbokang Betsaida cmnam nogorkolo:pc.

MARKKC 6:45

Oddung Bvk agom tadjvla gvmvnnc tani:kvdv:dcm Bv ollu:do a:moto odokkc kekonolo:pc Bvm gvpo:la gvdopc mclvgto, Betsaida:pc, yadkumsunc tani:kvdv:dcm mclvgamdokudcm.

METIU 15:21

Odokkc Jisubv odokkc gvpakto odokkc Ti:rdo:pclang Sidon jilado:pc gvpakto.

JU:D 1:11

Bulukkcpc mc:dvrpcnamc! Kapcnc bulu Kainkc lambclok lambcm gvdag, odokkc arc pa:nam lcgangc avkvdv:dc mc:paksudag Balaamkc imurgvmurdcm, odokkc Kora:kc birudi:pc mimag monamdo singabamdag.

JO:N 1:44

Cdcmpinamc Pilipbv Betsaida: dokkai, Andriukclang Pitorkc dungko nogordokkc.

LU:KKC 6:17

Odokkc Bv buluk lcdulo gvige:kula omannc among mo:di:kolo dagkang, Bvk bottcru:nc mclvgla ager germonam tani:kvdv:dok lckopc odokkc Judia odokkc Jerusalem odokkc siycng asi Ti:rclang Sidon ru:yikvd:dokkc bottaru:pc yadkumsunc tani:yc Bvk agom tadkapc gvto odokkc buluk kinamkvdv:dokkc csangamokakupc gvto;

MARKKC 8:22

Odokkc bulu Betsaida:pc gvto. Odokkc tani:ckkc miglunc tani:koncm Bvkkolo:pc gva:boto, odokkc Bvm ri:yitteika cmna kumna luto.

MARKKC 7:31

Odokkc Bv Ti:r dungo:ycgo:dokkc gvlattoku, odokkc Sidondok gvko:la Galil siycngdo:pc gvto, Dikapoli: dungo:ycgo:dok gvla.

MARKKC 3:8

Odokkc Judia:dokkc, Jerusalemdokkc odokkc Idumiadokkc, Jordan kekonolokkc odokkc Ti:rolokkc odokkc Sidondokkc bottcru:nc tani:kcrcngc, Bvk gernam appv:dcm tadla: tadla, Bvkkolo:p gvkang.

METIU 18:7

“Pa:p du:la:yam ankangkangkvnam kvdv:dok lcgangc rcngamsokkcpc mc:dvr-mc:so:pcnamc! Kapia:nc unkangkangkvnamdc a:ycrung, ckvdaggom sc:kobvi mc:boka:bonammc a:dagnc cdc tani:dc mc:dvrmc:so:pcnamc!

METIU 11:22

Ckvdaggom ngo nolum lubidung, bottcru:nc kcba:ba:doku longcdo Ti:rdc:lang Sidondokkcpc du:jcmna du:poya:ycpc nolukkcmyam.

AGER KVDVNG 27:3

Longkondo ngolu Sidonpc pvnga:to; odokkc Juliubv Poulmc aiyo:pc ka:sv:mosv:to, odokkc bvk ajonkvdv:do:pc ka:sv:mosv:dopc mclvgto.

LU:KKC 4:26

odokkc Elija:mc sckkolo:pcsin mclvgtomang cmpige:la Jarephatkollo:pc mclvgtonc, Sidon amo:dop, tumbo nc:ng akolowo:pc.

MARKKC 7:24

Odokkc Bv daropla Ti:rcla Sidon du:tc:do:pc gvpakto. Odokkc Bv okumkolo gva:to, odokkc cdcm sc:komsin kinkosutomang; ckvdaggom Bv gapsula:tomang.

METIU 26:24

Tani:kc Awodok agomcm kapc adtu:nc cdcmpc gvdag, cmpige:la tani:kc Awodcm sc:ko tani:dc miru alaglo tolvgycnc cdc tani:dc mc:la mc:tapsupcnammc! Cdc tani:dokkcpc bvm omangagom aiya:ya:pc.”

LUNGOR LUNAM 6:12

Cdvlo bv akkcng tubjetdcm moge:toji, ngo ka:to, odokkc ka:toka, bottcru:nc tarcmo:tonko tonkang; odokkc do:nyitc toilangcmpc yakakang, purni:mang po:lodc i:ycmpc ikang,

LUNGOR LUNAM 11:3

Odokkc ngok lukanbinc anyidcm lv:yingkolang lvngko anyi odokkc yingkc: longckopc toilang attar gcge:la, lungor lunanc ilang gvlangcm biyc.”