METIU 11:11 - ANU LUGOD N. T. (BSI)

¹¹ “Aropakpc, ngo nolum lubidung, nc:ngkvdv:dok onamlok Jo:n Baptismo bincmc bottaya:nc akosin oma:da; ckvdaggom taycng amo:tok adjiyarya:ncdc bvmyam bottarya:nc.

METIU 11:11 ပူးပေါင်းရင်းမြစ်များ

LU:KKC 7:28

“Nolum ngo lubidung, nc:ngkvdv:dok onamlok sc:kosin Jo:nmc bottaya:ncmang; ckvdaggom Ru:ncpvnckc Migomdoko amo:do adji:loksin adjincdc bvmyam bottaya:nc.”

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

JO:N 1:15

Jo:nbv Bvk agomcm lukanbinckai, odokkc jcyarla luto, “Scva:na Bv sc:kom ngo lukaji, sc:ko ‘bv ngok lcdupc gvmvndu:nc ngom bottaya:ncpc ikang, kapila:nc ngomyam du:po:nai’ ”

METIU 5:19

Sc:kobvi cdcmpila sc lujvgla lunamkvdv:sok adjio:nc abangkogom tadma:ycnc odokkc tani:kvdv:dcm cdcmv:pc luyirycnc, cdcmv:pc bvm taycngamo:tok migom dungkodo adjiarya:nc cmycku, cmpige:la sc:kobv cdcmbulum luyirycnc taycng amo:tok migom dungkodok bottcru:nc cmna luycku.

METIU 3:11

‘Ngo nolum asin mc:dvrra mclatsukunam lcgangc baptismongcm bidung, cmpige:la sc:kobv ngok lcdupc gvmvndu:nc ngomyam tornam kaya:dag, sc:kokc panoti:ycm ngo jo:pci ainckomang; Bv nolum Angunnc Yalodokki odokkc vmvkokki baptismongcm biyc.

LU:KKC 9:48

Odokkc bulum luto, “Sc:kobului ngok aminno sc kowawscm torvgsuycnc ngom torvgsudag, odokkc sc:kobvi ngom torvgsudagnc ngom mclvgncdcm torvgsudag; kapila:nc sc:kobv noluk ara:lo adjiyar-ya:ncnc cdc bottar-ya:ncdc.”

1 PITOR 1:10

Lungor agom lunckvdv:dc sc:kobulu nolukkcpc ipcnc aya:dcm lungorka moturdok agomcm magongka odokkc tadkuk-tadrugla tadgongka;

HIBRIUKVDVNG 11:40

Kapcnc Ru:ncpvncbv ngoluk lcgangc o:kai aiya:ncko ka:no:bila:yam, jc ngolum mcge:la bulum aiyo:pc aidopc mopcnammang.

1 KORINTIANG KVDVNG 15:9

Kapila:nc mclvgla ager germonam kvdv:dok adjiyarya:ncdc, mclvgla ager germonammc cmna lukanci-ma:namc. Kapila:nc ngo Ru:ncpvnckc mondoli:dcm mojog-morogto.

1 KORINTIANG KVDVNG 6:4

Nolu cdcmpinc ajcngcm la:domvlo, kapila cdcmbulum nolu mondoli:dok adji:oko mcnggcnam kvdv:dokbuluk kcra:do lubidang?

JO:N 10:41

Odokkc bojcrungc Bvkkolo:pc gva:to; odokkc bulu luto, “Jo:nbv oko kanggodcmsim imangai, cmpige:la Jo:nbv sc tani:sok agomcm lunam appv:dc arrai.”

JO:N 3:30

Bv botta bottala gvpa:ru:yc, cmpige:la ngo adji:la gvpa:ru:yc.”

JO:N 5:35

Bv dorra du:nc unjvgnc saki:kai, odokkc nolu bvk pva:do asudowko mc:poko mc:lvgdagai.

JO:N 1:27

cmpige:la ngok lcdupc sc:kobv gvdonc, sck lcyuglok suktam rvbvdcmsinci sarra:pcncmang.”

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

2 TIMOTI 1:10

odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.

LU:KKC 1:15

Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

METIU 3:1

Odo longckvdv:do Baptismo binc Jo:nbv, gvla Judiangkc yumra:do lugo:bito,

METIU 11:10

Cdc bv:ai sc:kokc agomcm adla lc:tagnc, ‘Ka:toka, ngo ngok agom lutadncm nok nappangcm lupo:dopc mclvgdo, sc:kobv nok lambcm nom gvpo:la mopu:bidonc.’

METIU 11:12

Jo:n Baptismo binckc longckvdv:dokkc silolo:pc taycng among migom amo:dc ipusire:ycm pa:dung, odokc ipusire:ycm inc tani:kvdv:dc bo:lkokki cdcm la:dag.