METIU 10:41 - ANU LUGOD N. T. (BSI)

⁴¹ Sc:kobv agom lungorla lunc tani:ycm agom lungorla lunnc cmna torvgsuycnc bv agom lungorla lunclok amancm pa:do, odokkc sc:ko dormokanc tani:ycm dormokanc cmna torvgsuycnc bv dormokanc tani:lok amancm pa:do.

METIU 10:41 ပူးပေါင်းရင်းမြစ်များ

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

2 JO:N 1:8

No avycm avyc ka:sutoka, jc no okodok lcgangc agercm gertonc cdcm yogmoma:ycpc, cmpige:la pv:namkopc amancm pa:ycpc.

1 KORINTIANG KVDVNG 9:17

Kapila:nc ngo jodi cdcm ngok mcngkamkokki iyc, ngok amanc dung; cmpige:la ngok avkc ilvngkokki ima:mvlo, ngom bottapc gerpcnam agerkokki lulvgtag.

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 6:18

nok menna doma:pc du:namdcm tani:kvdv:dc ka:begmaycpc ckvdaggom nok Abubv ka:begycpc sc:ko kinmango:pc ka:la du:nc; odokkc nok Abubv sc:kobv kinmango:pc ka:dagnc nom amancm biycpc.

ROMANKVDVNG 16:23

Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag.

METIU 6:6

Cmpige:la cdvlo nolu kumdonc, noluk soyarlo:pc gva:lang odokkc yabgom mokapsulang odokkc noluk Abudcm kumnang sc:kobv kinmango:pc du:dagnc; odokkc noluk Abubv kinmango:pc ka:ncdc nolum amancm biycpc.

AGER KVDVNG 16:15

Odokkc bvm cdvlo baptismo bitoji, bvk crang appv:dokki lckopc, bv ngolum kumna luto, scmpc lula, “Nolu ngom Ru:tummc mc:jvgla mc:ncko cmna mc:tomvlo, ngok okumpc gvla du:ta:ka.” Odokkc bv ngolum airu:pc lutvto.

METIU 6:4

Odomvlo noluk cpv:pc binamdc kinmango:pc binampc iyc; odokkc noluk Abudc sc:kobv kinmango:pc ka:dagnc amancm biycpc.

METIU 6:1

“Ansulangka noluk Ru:ncpvncmc kumnamcm tani:kvdvngc ka:ycpc cmna kumma:pcka; kapila:nc odomvlo noluk taycng amongkc Ba:bukolok amancm pa:ma:yc.

METIU 7:8

Kapila:nc sc:kobvi koycnc pa:dag, odokkc sc:kobvi madonc pa:dag, odokkc piku:ncdcm moge:biyc,

METIU 25:44

“Odo bulusin luyc, ‘Ru:tuma, ngolu cdvlo nom kcno:dopc cdcmanggom tv:lv:dopc, kangkinma:nampc, attar gcma:dopc, mola:ma:dopc cdcmanggom makana:lo du:dopc ka:ton, odokkc nom ka:sv:mosv:toma:n?’

METIU 25:45

Odo bulum Bv luyc, ‘Aropakpc, ngo nolum lubidung, sc adjio:nc kvdv:sok akoncm nolu imangarnammcmpc, nolu ngomsin itomang’