METIU 10:18 - ANU LUGOD N. T. (BSI)

¹⁸ Odokkc ngok lcgangc bulu nolum amo:ru:tumkvdv:do:pc odokkc buluk migomkvdv:do:pc soa:bomyc, buluk kcra:lo odokkc angu tani:kvdv:dok kcra:lo lubisudopc.

METIU 10:18 ပူးပေါင်းရင်းမြစ်များ

METIU 10:17

Tani:kvdv:dcm ansulang; kapila:nc bulu nolum kcbangkvdv:do tolvgyc, odokkc buluk kumko okumdo nolum dcmyc.

METIU 10:19

Cdvlo bulu nolum togc:ycnc, kapc nolu agom lupcnammcnc cdcmanggom okkom nolu lupcnammcnc odok lcgangc mc:dvryok, kapila:nc okodcm nolu lupcnammcnc cdcm nolum odo ayirdo biyc.

METIU 8:4

Odokkc Jisubv bvm luto, “Ka:langka no sc:komsin okkomsin lubima:pc; cmpige:la gvkang, no avcm kumna ager gerpvtbonc kvdv:dcm lcngkansuta:ka, odokkc Mose:bv bilangka cmnam amandcm bita:ka, tanikvdv:dcm aropc aikunamdcm lcngkansuta:ka.”

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 11:7

Odokkc cdvlo buluk lukanbinamcm lungaptoji, simvndc cdc du:tcrkama:pc o:rv:nc jiko:dokkc lenncdc bulum mimagcm moyc odokkc bulum mopvto odokkc bulum moketo,

LUNGOR LUNAM 6:9

Cdvlo bv anggo tubjetdcm moge:toji, ngo kumko palvgko kcvgdo cdc yalokvdv:dcm ka:begto sc:kobulu Ru:ncpvnckc agom lcgangc palvgtoji odokkc buluk lukanbinam lcgangc bulum onamai;