MARKKC 8:33 - ANU LUGOD N. T. (BSI)

³³ Cmpige:la gvlatsulangkula odokkc Bvk agom tadjvgla gvmvnnc tani:kvdv:dcm kangge:la, Bv Pitormc ge:to, odokkc luto, “Ngok lamkupc gvkang, Satana! Kapila:nc no Ru:ncsa:nckcpc ima:ncko, cmpige:la tani:kcpc idung.”

MARKKC 8:33 ပူးပေါင်းရင်းမြစ်များ

METIU 4:10

Odo Jisubv Bvm luto, “Gc:rkang, Uiya! Kapila:nc scmpc adtag, ‘Nok Ru:ncpvncmc kumnang odokkc Bvk lcgangong mc:tomna agercm gerrang.’ ”

1 JO:N 2:15

Rcngamscm mc:boyok cdcmanggom rcngamsok attarkvdv:dcm. Sc:koiyc jodi rcngamscm aipc mc:yc, Abudcm aipc mc:namdc bvkkolo kamang.

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

LUNGOR LUNAM 3:19

Cdc sc:kobulum ngo aipc mc:dagnc, ngo mogvtmomatdo odokkc dcmdo; cdcmpidag kvnggv:pc mcnga:la gertoka odokkc asinc mc:dvrra mc:latsutokuka.

1 PITOR 4:1

Odokkc odcmpila Kristobv adinamvrro ipusire:ycm pa:la, nolu av avyc cdc mcngkamdcm mc:sutoka, kapcnc sc:kobvi adinamvrdo du:gcm gvtonc pa:bcm mcpaktokubong,

1 TIMOTI: 5:20

Kapcnc cdc sc:kobulu pa:bcm itvdanna du:donc, bulum appvngkc kangkolo ge:langka, odomvlo jen akedc pcsola du:ycpc.

1 KORINTIANG KVDVNG 5:5

nolu cdc tani:dcm uilo:pc topaklvgpa:yc–adinamvrdcm dopakdopc, odomvlo Ru:tum Jisukc longcdc bvk yalodcm turmodopc.

LU:KKC 22:61

Odokkc Ru:tumbv nge:latsula Pitormc ka:to. Odokkc Pitorbv Ru:tumkc agomdcm mc:pa:toku, kapc bvm Bv lutungaji, “Silo porogc kogma:dapc, no ngom lcumkopc lupaksuycpc.”

MARKKC 3:34

Odokkc Bvk dungkodo du:nckvdv:dcm kanggo:suge:la Bv luto, “Sc:buluna ngok annclang bvrrangkvdv:dc!

MARKKC 3:5

Odokkc Bv bulum aglvngsa:la kanggo:suto, asinkvdv:dok tornamkokki mc:yingko mcngkang, odokkc tani:dcm luto, “Nok alagdcm laglentok,” Bv cdcm laglento odokkc bvk alagdc aikangku.

METIU 15:23

Ckvdaggom agom apirkosin bv lubitomang. Odokkc Bvk agom tadjvgla gvmvnnc tani:kvdv:dc gva:to odokkc Bvm kumna luto, scmpc lula, “Bvm mclvgtokuk, kapila:nc bv ngoluk lcdu lcdulo jc:la jc:la gvmvndo.”

TITUS 1:13

Sc lukan lubinamsc arro. Cdcmpidag bulum kvnggv:pc torpc ge:langka, jc bulu mc:jvglo aroru:pc mc:jvgycpc,

LU:KKC 9:55

Cmpige:la Bv ngengkutsuge:la bulum ge:rvdla luto.

LU:KKC 4:8

Odokkc Jisubv bvm lubito, “scmpc adtak, ‘Nok Ru:ncpvncdcm no kumnang, odokkc Bvklcgangong no agercm gerrangka.’ ”

METIU 16:23

Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”