MARKKC 7:5 - ANU LUGOD N. T. (BSI)

⁵ Odokkc Parisikvdv:dc:lang poyirnckvdv:dc bvm tawuto, “Nok agom tadjvgla gvmvnnc tani:kvdv:dc mvjvng kvdv:dok itcng gvtc:dcmpc kapila imang-gvma:n, cmpige:la vrpusuma:nam alakkoki dodag tv:dagnc?”

MARKKC 7:5 ပူးပေါင်းရင်းမြစ်များ

2 TISSALONIANG 3:6

Su:pak ngolu lulvgdung nolum, bvrokvdvnga, ngoluk Ru:tum Jisu Kristokc amino, jc nolu lo:bagla du:nc bvro akonmumlokkc angupc du:langka odokkc itcng-gvtc: dokkcmpc cdc nolu ngolukkolokkcm pa:namdcmpc.

AGER KVDVNG 21:21

odokkc nok agomcm bulu lubidag jc no Angu Tani: opvnkvdv:dok ara:lo du:nc Jiwukvdv:dcm Mose:mc mcpagdopc luyirdag, buluk ko:kang kvdv:dcm gadpukma:dopc luyirdag cdcmanggom lekekcbong igot gvgodcm iyoka cmna.

GALATIANG KVDVNG 1:14

odokkc ngo Jiwu dormodo ngoluk tani:kvdv:dok abvng abvngya:nckvdv:dok bojcrungcmyam ibatgvbatto, ngok abukvdv:dok itcnggvtcng kvdv:dok lcgangc cdcmpcjc ngo anguru:pc gvdunganc.

AGER KVDVNG 21:24

sc tani: appv:scm gvbola buluk lcdulo avyc no narc:mosuta:ka odokkc buluk inamgvnamdokkcm arrcm bitok, odomvlo bulu buluk mittukkvdv:dcm rakutsuycpc. Odomvlo appvngc kinycpc jc nok agomcm lunam appv:do okosinmang jc no avdci lujvg-lurodok lukampc du:dag.

METIU 15:2

“Kapila nok agom tadjvgla gvmvnnc tani:kvdv:dc ta:to-ya:yok longcdok igodgvgoddcm tadma:pc ibat-siyatdang? Kapila:nc bulu cdvlo dodonc buluk alagkvdv:dcm vrpu:sumang.”

ROMANKVDVNG 4:12

odokkc cdcmv:pc gadpuknam kvdv:dok abudc sc:kobulu cmmumpc gadpukma:ji cmpige:la mc:jvgdcmsin lukamdcmpc taddagji okodc ngoluk abu Abrahamkc bvm gadpukma:dapc dungaji.

2 TISSALONIANG 3:11

Kapcnc ngolu tadbegdag jc nolukkolok akke lo:silo:bagla turdung, cmmumpc ager germonampc ila du:nckkc, oko agercmsin germa:pc.

MARKKC 7:8

“Nolu Ru:ncsa:nckc lulvg agomdcm mcpakdag, odokkc tani:kvdv:dok itcng–gvtc:dcm kvnggv:pc gaggapla du:dag.”

MARKKC 7:9

Odokkc Bv bulum luto, “Nolukkc Ru:ncsa:nckc lulvgnamdcm tadma:pc mc:nanc ainc lambc dung, noluk itcng-gvtcng kvdv:dcm itvla du:pc cmna.

MARKKC 7:13

cdcmpc nolu itcng gvtcngcm iyir-gvyir kvdv:dokki Ru:ncsa:nckc agomcm motumdung. Odokkc cdcmpinc bojcrungko agercm nolu gerdag.”