MARKKC 7:25 - ANU LUGOD N. T. (BSI)

²⁵ Cmpige:la vgcmpc nc:ng akonc, sc:k adjionc omc akoncm aima:nc uikonc pa:tonc, Bvk agomcm tadbegto, odokkc Bvkkolo:pc gva:la Bvk alcdo cgsora:to.

MARKKC 7:25 ပူးပေါင်းရင်းမြစ်များ

METIU 15:22

Odokkc ka:toka, Kananolok nc:ngko odo mo:takdokkc gvlento odokkc jc:la luto, “Ngom aya:pcmc:teika, O: Ru:tum, Dawidkc aowa: ngok omcdcm aima:ru:pc uikonc pa:to.”

LU:KKC 17:16

odokkc bv Jisukc alckcra:do cgsorra kuma:to, Bvm aipai bila: bila. Bv Samariangkai.

MARKKC 5:33

Cmpige:la cdc nc:dc, bvm okkom itonc cdcm kinsula, pcsola jinna gva:la Bvk kcra:do tunga:to, odokkc cdc aro agom appv:dcm Bvm lubito.

MARKKC 1:40

Odokkc ngero:ro:nam tani: akonc Bvkkolo:pc gva:to Bvm kumna:sola, odokkc lcbvng tuma:la Bvm luto, “No mc:mvlo no ngom narc:mola:dag.”

MARKKC 7:24

Odokkc Bv daropla Ti:rcla Sidon du:tc:do:pc gvpakto. Odokkc Bv okumkolo gva:to, odokkc cdcm sc:komsin kinkosutomang; ckvdaggom Bv gapsula:tomang.

MARKKC 7:26

Cdcmpc inamc nc:dc Girikai, Siria Poenikiang onamai. Odokkc bv uidcm bvk omcdokkcm mcmpakteika cmna Bvm kumna luto.