MARKKC 3:2 - ANU LUGOD N. T. (BSI)

² Odokkc bulu Bvm kami:to, yoddo longgcm bvm csa:moyckuji csa:mokuma:ycji cmna, odomvlo bulu Bvm aima:pc lula:pc cmna.

MARKKC 3:2 ပူးပေါင်းရင်းမြစ်များ

METIU 12:10

Odokkc ka:toka, laksannc tani:akonc odo dungai. Odokkc bulu Bvm tawuto, “Yodla du:nam longcdo csa:mokunamdc Ru:nckc agom jvggabnamdcmpc gernamci? Cdcmpc bulu Bvm aima:pc lupa:pc cmna luto.”

MARKKC 3:3

Odokkc Bv tani:dcm sckkc sana:la gvnc alagc dungaji luto, “So:pc gva:tok.”

LU:KKC 14:1

Ager germa:pc yodla du:nam longcdo Bv gvla migom donc tani:akolok okumkolo sc:kobv Parisi:anc doddom, bulu bvm ka:la dungai.

LU:KKC 20:20

Cmpila bulu Bvm kanggabbomto odokkc kinmango:pc gagnc tani:kvdv:dcm mclvgto, sc:kobulu aiyo:nc tani:ycmpc lcngkantoji, jc Bv okodcmci luycji bulu tadgabdag cmna mc:ycpc cmna, odomvloyam Bvm amo:ru:tumdok ka:bomkolo:pc tolvgla:dopc cmna.

LU:KKC 6:7

Odokkc ainc agom luyirnckvdv:dc:lang Parisi:kvdv:dc Bvm kanggabbomla dungai, Bv yodla du:do longgcm kinamcm csa:moyckuji csa:mokuma:ycji cmna, odomvlo Bvm atv lumurko lubegpa:ycji cmna.

JO:N 8:6

Cdcm bulum Bvm anka:la ka:pc cmna luto, bulujen Bvk tayc:lo atvko lujcmko lupc cmna. Jisubv tu:mapge:la Bvk lakke:dokki amo:bolo adto.

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.