MARKKC 2:2 - ANU LUGOD N. T. (BSI)

² Odokkc bojcrungko tani:yc yadkumsukang, cdcmpila buluk lcganc dungko soyarci kangctomang, yabgo ru:yidosinci; odokkc agomdcm Bv bulum luyirra dungai.

MARKKC 2:2 ပူးပေါင်းရင်းမြစ်များ

MARKKC 2:13

Bv lckoda siycng asi ru:yido:pc gvlento odokkc yadkumsunc tani: kvdv:dc bvk dungkodo appv:dc dungkang, odokkc Bv bulum luyirto.

MARKKC 1:45

Cmpige:la odok agomdcm bv lulv:namdcmpci lubirobbomkang, odokkc lutadcm kinapmopc, cdcmpinamc Jisubv ka:de:pc tawonkolo gva:la:toma, ckvdaggom do:lungkvdv:do ronggamko mo:di:kvdv:do gvgo:to; odokkc appvng dungko-yckolokkc tani:kvdv:dc Bvkkolo:pc gva:to.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

ROMANKVDVNG 10:8

Cmpige:la cdc okko cmdang? Agomdc noluk kcra:dc, noluk nabberdo odokkc noluk asin kvdv:do (cdcna, mc:jvgdok agomdc okodcm ngolu lutadbidoji;)

AGER KVDVNG 16:6

Odokkc bulu Pirgiangclang Galatiang mo:takvkvdv:do gvgo:to Asiado agomdcm lubinamdcm Angunnc Yalodokki lutumla:yam.

AGER KVDVNG 14:25

Odokkc cdvlo bulu Perga:do agom lutoji bulu Attalia:pc gvkang;

AGER KVDVNG 11:19

Cdcmpidodcm sc:kobulu dugpitsuka:ji Stipenmc ipusire:ycm ila mokedodokkc Poenisialang Sipru appv:pc odokkc Antiokpc gvngapkang.

AGER KVDVNG 8:25

Cdcmpidodcm bulu cdvlo Ru:tumkc agomdcm lukanbitoji odokkc lutoji, bulu Jerusalempc gvladamkangku, Samaria:dok bojcru: do:lu:lo tadponc lutaddcm lugo:bila.

LU:KKC 12:1

Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

LU:KKC 8:11

“Su:pak cdc kvkanbila kvnam do:yv:dc sc:na: amni:dc Ru:ncpvnckc agomdc,

LU:KKC 8:1

Odok lcdupc Bv nogorkvdv:do:lang do:lung kvdv:do:pc gvkang, luyir luyirgo:la odokkc Ru:nckc Migomdokolok tadponc lutaddcm lugo:bito. Odokkc cdc vyvngkolang anyidc Bvk lcdulo du:mvndungai,

MARKKC 1:37

odokkc Bvm mabegla Bvm luto, “appvngc nom mago:dung.”

MARKKC 1:33

Odokkc cdc nogorpakdc yabgoru:yido yadkumsukang.

MARKKC 1:14

Jo:nmc ycnggabdak lcdudo, Jisubv Galilpc gvtoku, Ru:ncpvnckc tadponc lutaddcm luyir luyirla, odokkc scmpc lula,

METIU 5:2

Odokkc Bv bulum agompc lula luyirbomkang, scmpc lula:

LU:KKC 5:17

Odokkc longckoncm, Bv luyirra du:dom, Parisi: kvdvngclang lujvgla lunamdok luyirnc kvdvngc kcra:do tedla dungai, sc:kobulu Galildok appvng do:lungkvdv:dokkc odokkc Judia:dokkc odokkc Jerusalemdokkc gvkaji; odokkc Ru:tumkc ilang-gvlangc csa:modokupc Bvk lcdulo dungai.

MARKKC 6:34

Bv siycng asi ru:yido:pc gvlennammc bottcru:nc yadrumbomnc tani:kcrcngko ka:begto, odokkc Bv bulum airu:pc ayang-abopc mcngkang, kapila:nc bulu ka:sv:nc kama:nc me:r sobencmpc idagai; odokkc bulum Bv bojcrungko agomcm luyirrobbomkang.

MARKKC 2:1

Odokkc Bv Kapernaumdo:pc lo:nyi lowum lcdupc gvnamc, Bv okumdo dung cmna lubito.