LUNGOR LUNAM 8:9 - ANU LUGOD N. T. (BSI)

⁹ odokkc siycngdok intak awumkopc i:pc ingapkang sinckvdv:dok turra du:nc simvnkvdv:dok intak awumkopc sipakkang, odokkc siycng ollungkvdv:dok intak awumkopc omvgosvgkang.

LUNGOR LUNAM 8:9 ပူးပေါင်းရင်းမြစ်များ

LUNGOR LUNAM 16:3

Taycng among lutad lunc akondc bvk soria:dcm siycngolo:pc to:ledlvgto, odokkc cdc sinc tani:lok i:ycmpc ikang, odokkc appvng turra du:nc takamc cdc siycngdo du:nckvdv:dc singapkang.

LUNGOR LUNAM 8:7

Taycng among lutad lunc du:pongarncdc bvk tu:lu:dcm mullvgto, odokkc vlv:ta:ngc odokkc vmmc oledkang, i:kokki molusunamc okodc mo:pvso oledkaji, odokkc mo:pvsok atak tagumko ugpakto, odokkc vsvngkvdv:dok kcrcngc awumkopc ugpakto, odokkc appvng genc ncsincm ugpagamto.

LUNGOR LUNAM 8:12

Appi: taycng among lutad luncdc bvk tu:lu:dcm mullvgto, odokkc do:nyidok intak awumko dcmto, odokkc po:lodok intak awumko, odokkc takarkvdv:do intak awumkopc, odomvlojen buluk pvang kvdv:dok intak awumkopc kcmokang; longcdok intak awumkopc pva:ma:dopc lc:to, odokkc cdcmv:pc yumckvdv:dok intak awumkopc.

LUNGOR LUNAM 8:10

Taycng among lutad luncdc bvk tu:lu:dcm mullvgto, odokkc bottcru:nc takarko taycngtolokkc kcdledkang, to:rs mcrucmpc to:ledla, odokkc cdc a:nckvdv:dok intak awumko oledkang okkc asikvdv:dok jili:kvdv:do.

LUNGOR LUNAM 9:15

Cdcmpila cdc taycng lutad lunc appi:dcm mclennvgto, sc:kobulum odo gonta ayirdok lcgangc rvnna lc:tungaji, cdc longcdo, cdc po:lodo, odokkc cdc dv:tagdo, tani: rcngamsok intak awumko.

LUNGOR LUNAM 9:18

Cdc joar a:la kinam ramnam-dokki tani:kvdv:dok rcngam intak awumkopc mokkeyamto, vmvdokki odokkc mikkidokki odokkc gondogc buluk nappanag kvdv:dokkc lenna: lenna.

LUNGOR LUNAM 12:4

Bvk tamedc taycngtok takarkvdv:dok intak awumko pcdpakto, odokkc cdcmbulum mo:pvso:pc crpagamletto. Odokkc cdc alap kanc tabvdc cdc nc:dok kcra:do dagkang sc:kobv kowako pa:pc cmna idungaji, jc bv:jen bvk ko:dcm metpakycpc cdvlo bv cdcm boma:ycji;