LUNGOR LUNAM 8:3 - ANU LUGOD N. T. (BSI)

³ Odokkc taycng lutad akonkonc gva:to odokkc avndunang romnanc ako bomna palvgkodo dagkang; odokkc bvm bojcrungko namponc dunangcm kumdodo molusudopc bitungai appvng aipc kumnc tani:kvdv:dcm avn palvgko tayc:dc migom dungko kcra:do;

LUNGOR LUNAM 8:3 ပူးပေါင်းရင်းမြစ်များ

LU:KKC 1:10

Odokkc yadkumsunc tani:appv:dc dup-dunang romdo ayirdo ru:yido kumna dungai.

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

HIBRIUKVDVNG 7:25

Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.

HIBRIUKVDVNG 9:4

avn mobu:lvgnam dunang romko odokkc lugoddok peradc appvng kekonkesagdok avnki mobu:lvgla, okodc along romnamcm lc:nanc avn attarko du:ji manna:dcm bonggabla du:ncko, odokkc Aronkc lakuti:dcm cdc annckvdv:dcm papagamnamdcm, odokkc lugoddok tcbulkvdv:dcm;

LUNGOR LUNAM 10:1

Odo ngo taycngtokkc dc:yi:nc kvnggv:pc ilang gvla:nc taycng among lutad lunc akonkoda ka:begto, mukkangkolo yedlubnamko, bvk mittukdo lc:bangko sa:ncko, odokkc bvk nappa:dc do:nyitcmpc idagai, odokkc bvk alckvdv:dc vmv kuntcmpc idag.

LUNGOR LUNAM 14:18

Odokkc taycng among lutad luncko palvgko mo:takdokkc lenkang, cdc taycng among lutad luncdc okodokkc vmvtayc:lo mopvgvppc dungaji, odokkc bvm bottanc gomugki gogto sckkc radnc kasiko du:ji, “Nok kasidcm gattoka, odokkc mo:pvsok angurkvdv:dok agbumkvdv:dcm langkumsutoka, kapcnc odok angur a:yckvdv:dc minka:bong.”

LUNGOR LUNAM 5:8

Odokkc cdvlo Bv yednam potindcm la:toji, turnc simvn dorpi:dc odokkc cdc yv:nyikolang appi: abv:nc tani:kvdv:dc me:r soben Awodok kcra:do owangamkang, appv:dc be:lang asong asongko sola: sola, odokkc avn soriangkokki namponc dunganc bi:danna, okodc:bulu aipc kumnc tani:kvdv:dok kumnamcji;

LUNGOR LUNAM 6:9

Cdvlo bv anggo tubjetdcm moge:toji, ngo kumko palvgko kcvgdo cdc yalokvdv:dcm ka:begto sc:kobulu Ru:ncpvnckc agom lcgangc palvgtoji odokkc buluk lukanbinam lcgangc bulum onamai;

LUNGOR LUNAM 7:2

Odo ngo do:nyi sanggatokkc lennc taycng among lutad lunc akoda ka:begto, turnc Ru:ncpvncdok tubjet kancdokki, odokkc bv bottapakpc gomugki taycng among lutad lunc appv:dcm luto okodc:bulu scmpc lula mo:pvscmnang siycngdcm momvgdopc ilanggvlangcm bitoji,

LUNGOR LUNAM 8:4

odokkc namponc dunangdok mikkidc aipc kumnckvdv:dok kumdodok lcdulo taycng among lutad luncdok alagdokkc Ru:ncpvnckc kcra:do:pc yv:sa:mvnkang.

LUNGOR LUNAM 8:5

Odo taycng among lutad luncdc dunang romnamdcm la:to odokkc cdcm palvgkodokkcm vmmcm parrvgto odokkc cdcm mo:pvso:pc crpaglvgto; odokkc bc:bar bc:barla bc:nc gonta bc:bomkang, gomugcmbulum, ruadlok latkancm, odokkc tarcmo:ton tonnamc.

LUNGOR LUNAM 9:13

Odo akkcng taycng among lutad luncdc bvk tu:lu:dcm mullvgto, odokkc ngo gomugko a:rcng so:pi:dokkcm tatto Ru:ncpvnckc avn mo:tak palvgko kcra:dokkcm,