LUNGOR LUNAM 7:15 - ANU LUGOD N. T. (BSI)

¹⁵ Cdcmpidag bulu Ru:ncpvnckc migom dungkodo dung, odokkc Bvm longc yumcpc agercm gerdag Bvk kumko okum ara:do; odokkc sc:kobv migom tedkodo tedycji bulum Bvk du:mvnkokki du:rasumoyc.

LUNGOR LUNAM 7:15 ပူးပေါင်းရင်းမြစ်များ

LUNGOR LUNAM 22:3

Odo oko pelvgnammcsin kama:ycbong, cmpige:la Ru:ncpvnckc migom dungkodc odokkc cdc Awome:r sobendc odo du:yc, odokkc Bvk ager gerya:nc kvdv:dc Bvm kumyc;

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

LUNGOR LUNAM 22:5

Odokkc yummc cdvlosin kakuma:ycbong; bulu atv saki:lok pvangko cdcmanggom do:nyiko lagima:ycbong kapcnc Ru:tum Ru:ncpvncbv buluk pva:pc iycku, odokkc bulu lo:dv longkvpc migom doycku.

LUNGOR LUNAM 11:19

Odo Ru:ncpvnckc kumko okumdc taycng amo:to moge:kang, odokkc Bvk lugoddok siycng ollu:dcm Bvk kumko okum ara:do ka:begto, odokkc odo mcrulok ruad ladkannammc laddagai, gomugcbulu, do:mvrtok donge:yc mvrnamc, tarcmo:tonko, odokkc kvnggv:pc vlv:tang pcdongc okang.

LUNGOR LUNAM 7:9

Odok lcdupc ngo ka:to, odokkc ka:toka, bottcru:pc yadkumsunc tani:kcrcngko okodcm oko tani:ycsin kvla:ma:nc, appvng rcngamlokkc, appvng opvnlokkc odokkc tani:lokkc odokkc agom lunclokkc, migom tedko kcra:do dagla du:dopc odokkc Me:r Awodok kcra:do, kamponc rvbbcm yedlvgnammc,

LUNGOR LUNAM 4:4

Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

HIBRIUKVDVNG 8:1

Su:pak ngolu oko lugoddok ludu:nc cdc scmpc ngolukkc cdcmpc dormo ager gernclok bottcncko du:nc, akonc sc:ko Migomdok taycng amo:tok dungkodo lagbvkpc dungka:nc.

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

LUNGOR LUNAM 4:8

Odokkc turra du:nc simvn dorpi:dc, appv:dokkc alap akkcng akkcngko dung, kekon kesag appv:do odokkc ara:do amigc, odokkc longgcmna: yummcm cdvlosin ni:tomcm mongasumang: “Angunnc, angunnc, angunnc, cdc Ru:tum Ru:ncpvnc Ilang-glangarya:ncdc, Sc:kobv dungaji odokkc sc:kobv:ji odokkc gvpcncdc.”

LUNGOR LUNAM 4:9

Odokkc cdvloi cdc turra du:nc simvnkvdv:dc amin gvmonammc odokkc mcnggcnammc odokkc aipai bidagji Bvm sc:kobv migom dungkodo teddoji odokkc Bvm kumdagji sc:kobv lo:dv longkvpc turra du:dagji;

LUNGOR LUNAM 13:6

Cdc nappa:dc Ru:ncpvnckc birudi:pc agom lupc kokato, Bvk amindcm odokkc Bvk du:namdcm aimang cmna lupc, cdcyam sc:kobulu cdc taycngamo:to du:doji.

LUNGOR LUNAM 21:22

Odokkc ngo kumko okumcmsin nogordo ka:begtomang, kapcnc odok kumko okumdc Ru:tum Ru:ncpvncdcai cdc Appvngcm ilang-gvla:ncdc odokkc cdc Awome:r sobendc.