3 Cdvlo bv tubjet akondcm la:paktoji, ngo turnc simvn akondcm lunamcm tadto, “Gva:tok kajc!” Odokkc gure: adorkoda lenkang, kvnggv:pc lvngvr lvngvrncko;
Turnc simvn du:pongarncdc inggompc incko, dorkondc turla du:nc simvndc vbo so:bokoncmpc incko, dorumnc turla du:nc simvndc tani: nappang kancko, odokkc dorpi:nc turla du:nc simvndc dc:la gvnc go:nor pcttangcmpc incko.
Cdcmpc idodo ngo cdvlo ka:toji Awo Me:rdc tubjet kvnvddok okodcm la:paktoji, odokkc ngo tadto cdc turnc simvn dorpi:dok adorkonc luto, do:mvrcmpc mvrnc gomugko, “Gva:tok!”
Cdcmpila bulu gvkang odokkc agodcm kanggapbompc muorcm tubjetto vlv:dcm odokkc mimagmonc kcrcngko kanggapdopc lc:to.
Cdvlo Me:r Awodc kvnvd tubjetdcm moge:toji, taycngtc gonta ayir kvdvsukokopc ngag cmna dungkang.