LUNGOR LUNAM 6:10 - ANU LUGOD N. T. (BSI)

¹⁰ bulu bottapakpc jcla lusangkang, “O: Appvngcm bottaya:nc Ru:tuma, angunnc odokkc arro, cddvkojc po:pcbong no kcbangcm ba:ycnc odokkc ngoluk i:ycm palvgcm lvgyckunc cdc sc:kobulu mo:pvsok tayc:so du:ycdagycji?”

LUNGOR LUNAM 6:10 ပူးပေါင်းရင်းမြစ်များ

LU:KKC 2:29

“Ru:tuma, su:pak nok ager gerya:ncdcm no mc:po:pc mclvgtungkubong, nok agom lukamdcmpc;

LU:KKC 21:22

Kapila:nc cdcbulu palvg lvgnam longgc, adla lc:namdcmpc inamc.

ROMANKVDVNG 12:19

Mc:bomsunakvdvnga, cdvlosin av avyc palvgcm lvgyoka, cmpige:la cdcm Ru:ncpvnckc aglv:lo:pc mcpaklangka; kapila:nc cdcm adla lc:tag, “Palvg lvgnamdc ngokkc, ngo lvgycku, Ru:tumbv ludag.”

HIBRIUKVDVNG 12:24

cdc anu lugoddok pongkokdok dunggurncdc, odokkc crkat i:dcm cdc Abelkc i:dcmpcyam aya:ya:pc ludag.

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

LUNGOR LUNAM 11:18

Opvnkvdv:dc aglvngc sangkang, cmpige:la nok palvg lvgnam aglvngc pvngangkang odokkc sinckvdv:dcm kcbang bangkunam ayirdc, nok ager gerya:nckvdv:dcmbulum aman bikupc cmna, lungor lunckvdv:dcm odokkc aipc kumnc tani:kvdv:dcm Odokkc cdc sc:kobulu nok amincm pcsodagji, anyipagcm bottcnclang adji:ncm, Odokkc mo:pvsok momvg mosvgnc kvdv:dcm momvg-mosvgkupc.”

LUNGOR LUNAM 18:20

“Bvk sinamlo mc:potoka, O: taycng amongkc kvdvnga, O: aipc kumnc tani:kvdvng mclvgla ager germonamkvdvng odokkc lungor lunckvdvng, kapcnc Ru:ncpvncbv kcbang ba:namcm nok lcgang bvk birudi:pc bitung!”

LUNGOR LUNAM 18:24

“Odokkc bvkkolo lungor lunckvdvng odokkc aipc kumnckvdvngdok odokkc mo:pvso sc:kobulum palvgtoji, i:ycm pa:to.”

LUNGOR LUNAM 19:2

kapcnc Bvk kcba:-ba:namdc arodag odokkc arro; Bv bottcru:nc ami-miyc:pc igo:ncdcm kcbangcm ba:to sc:kobv mo:pvscm aima:nc agercm bvk ami-miyc:pc inamki germotoji, odokkc bv bvk ager gernam kvdv:dok i:dokkcm bvk palvgcm lvgto.”

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.

LUNGOR LUNAM 3:7

“Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.