LUNGOR LUNAM 5:13 - ANU LUGOD N. T. (BSI)

¹³ Odokkc ngo tadto appvng turnamc taycng amongto odokkc mo:pvso odokkc mo:pvkcvgbo odokkc siycng ara:lo, odokkc odok du:nc appvngdo, scmpc lula: lula: “Bvkkcpc sc:kobv migomtedkodo du:dagnc odokkc Me:r soben Awodokkc akirba:dc odokkc mcnggcnammc odokkc amin gvnamc odokkc ilang gvlangc lo:dv longkvpc dungka:langka!”

LUNGOR LUNAM 5:13 ပူးပေါင်းရင်းမြစ်များ

PILIPIANG KVDVNG 2:10

Jc Jisukc aminno appvng lcbvngc tuma:pa:do, taycngamo:to:lang mo:pvso odokkc mo:pvkcvgbo:sin,

LUNGOR LUNAM 5:3

Odokkc sc:kosin taycngto cdcmanggom mo:pvso cdcmanggom among ara:bo yednam potindcm yedlenna:mang cdcmanggom cdcm pola:mang,

LUNGOR LUNAM 5:12

scmpc bottapakpc lula: lula: “Me:r soben Awodc arc kadag okodcm palvgtoji, ilang-gvlangcm odokkc kanamsv:namcm odokkc kinnamcm odokkc torpc ila:nammcm odokkc mcnggcnammc odokkc amin gvnamclang akirba:d pa:pcnammc!”

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

1 PITOR 5:11

Bvkkcpc migom donamdc lo:dv longkvpc ika:langka. Amen.

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”

LUNGOR LUNAM 6:16

adi:kvdv:dcm odokkc vlvngkvdv:dcm, “Ngoluk tayc:so ojcmtcika Bvk kcra:dokkcm okomna sc:kobv migomdungkodo du:dagji cmna goggo:la, odokkc Me:r Awodok aglv:dokkc;

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.

ROMANKVDVNG 16:27

Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.

ROMANKVDVNG 9:5

odokkc bulukkc lenpo:nc tani:kvdv:dc, odokkc buluk ope:kvdv:dc, adinamvrpc, Kristokolo. Ru:ncpvncbv sc:kobv appvngcm bottcya:n akirba:d pa:ncpc lo:dv:pc ika:langka. Amen.

LUNGOR LUNAM 5:6

Odokkc migom dungko pongkokdo odokkc cdc turnc simvn dorpi:dc odokkc abv:nc tani:kvdv:dok ara:do, ngo me:r soben Awoko dagla du:dopc ka:to, cdc palvgnammcmpc a:rcng pi:nyikokki odokkc amig kvnvdkokki, okokvdv:dc Ru:ncpvnckc yalo kvnvddc:ji mo:pv appv:so:pc mclvgamnamkvdv:dc.

LUNGOR LUNAM 1:6

Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

IPESIANG KVDVNG 3:21

Bvkkcpc mondoli:lo aminc gvka:langka odokkc Kristo Jisukolo appvng opvnno, lo:dv-lo:dcm. Amen.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

JO:N 1:29

Longkondcm bv Jisumc bvkkolo:pc gva:dopc ka:to, odokkc luto, “Ka:toka, Ru:ncpvnckc Me:r Soben Awodcm, sc:kobv mo:pvsok pa:bcm jo:pakdagji!

LUNGOR LUNAM 5:1

Odokkc ngo Bvk lagbvg alagdo sc:kobv migom tedkodo teddungaji yedla lc:nam potinko ara:do odokkc lamkudo adnamko ka:to, tubjednam kvnvdko tubjednamko;

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.