LUNGOR LUNAM 4:8 - ANU LUGOD N. T. (BSI)

⁸ Odokkc turra du:nc simvn dorpi:dc, appv:dokkc alap akkcng akkcngko dung, kekon kesag appv:do odokkc ara:do amigc, odokkc longgcmna: yummcm cdvlosin ni:tomcm mongasumang: “Angunnc, angunnc, angunnc, cdc Ru:tum Ru:ncpvnc Ilang-glangarya:ncdc, Sc:kobv dungaji odokkc sc:kobv:ji odokkc gvpcncdc.”

LUNGOR LUNAM 4:8 ပူးပေါင်းရင်းမြစ်များ

AGER KVDVNG 20:31

Cdcmpidag ansu-ka:sutoka, ngo:jc dv:tak tagumkopc yummcm longgcm appvngcm migsidvla ainc agomcm luyirka cmnam mc:pa:tvla.

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

HIBRIUKVDVNG 13:8

Jisu Kristobv c:mongc mclosin odokkc silosin odokkc lo:dvlongkvpc.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

LUNGOR LUNAM 1:8

“Ngo Alpa:dc odokkc Omega:dc,” Ru:tum Ru:ncpvncdc ludag, sc:kobv du:ji odokkc sc:kobv dungaji odokkc sc:kobv gvkupcncdc:ji, cdc Appvngcm Migang ga:yangarncdc.

LUNGOR LUNAM 11:17

Ngolu nom aipai bido, “Ru:tum Ru:ncpvnna Appvngcm ilang gvla:na, sc:kobv du:ji odokkc sc:kobv dungaji, jc no bottcru:nc nok ilang-gvlangcm la:to odokkc migom dorobbomkang.

LUNGOR LUNAM 14:11

Odokkc odokbuluk romke-rommarnamkvdv:dok mikkikvdv:dc lo:dv longkvpc odokkc yv:sangkang; odokkc bulukkc longcdaggom yumcdaggom, yv:rasukko katomang, cdc simvnkvdv:dok odokkc odok monam moimang kvdv:dok kumnckvdv:dc, odokkc sc:kobului odok mogoddcm torvgsudagji.”

LUNGOR LUNAM 14:3

odokkc bulu anu ni:tomko modag migom dungkodok kcra:do odokkc turra du:nc simvn dorpi:dok odokkc abv:nc tani:kvdv:dok kcra:do sc:kosin cdc ni:tomdcm mokaisula:tomang cdc lvngko kolang lv:ying yv:pi:-appi:dcma:pc sc:kobulu mo:pvsokkcm rcpvttoji.

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 15:7

Odokkc turnc simvn dorpi:dok adorkonc kvnvd taycng lutaddcm kvnvd avn soriangcmpc bi:nckopc Ru:ncpvnckc aglv:dok bito sc:kobv lo:dv longkvpc odokkc lo:dv amingvkodokkc odo kc longkvpc turra du:dagji;

LUNGOR LUNAM 16:14

kapcnc bulu uilok yalokvdvngc, kanggodcm lcngkannc kvdvngc, sc:kobulu mo:dopc mo:pv appvng migom kvdv:do:pc gvdagji, bulum lckopc gvkumsumopc odo Ru:ncpvnckc Appvngcm ilang gvlanckc longcdo mimag momopc cmna.

LUNGOR LUNAM 16:7

Odokkc ngo palvgkkodcm kapdopc tatto, “C: Ru:tum Ru:ncpvncbv Appvng ilang-gvla:ncdc, nok kcba:ba:nam kvdv:dc arro odokkc arodc!”

LUNGOR LUNAM 19:15

Bvk nappa:dokkc kvnggv:pc radnc madsvgko lendag okodokki opvnkvdv:dcm papagamycji, odokkc bv bulum yogvr danggi: asongkokki ka:sv:la migom doyc; bv apo:mokodcm dungkinma:pc aglv:la sa:penyc cdc Appvngcm bottcya:nc Ru:ncpvnckc aglv:dokki.

LUNGOR LUNAM 19:4

Odokkc yvnyikolang-appi: abv:nc tani:dc odokkc turnc simvn dorpi:dc otapkang odokkc Ru:ncpvncmc sc:kobv migom tedkodo tedka:ji scmpc lula kumto, “Amen. Hallelujah!”

LUNGOR LUNAM 21:22

Odokkc ngo kumko okumcmsin nogordo ka:begtomang, kapcnc odok kumko okumdc Ru:tum Ru:ncpvncdcai cdc Appvngcm ilang-gvla:ncdc odokkc cdc Awome:r sobendc.

LUNGOR LUNAM 3:7

“Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.

LUNGOR LUNAM 4:4

Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

LUNGOR LUNAM 4:6

Migomdungkodok kcra:do cdc kapc dungaji siycnglok yalo ka:sunancko, amo:bo:pc ka:pv:namcmpc. Odokkc migom dungkodok yedrila, kekonkesag appv:do, turnc simvn dorpi:ko dung, amigc bi:danpc kannc kcra:do odokkc lamkupc:

LUNGOR LUNAM 4:9

Odokkc cdvloi cdc turra du:nc simvnkvdv:dc amin gvmonammc odokkc mcnggcnammc odokkc aipai bidagji Bvm sc:kobv migom dungkodo teddoji odokkc Bvm kumdagji sc:kobv lo:dv longkvpc turra du:dagji;

LUNGOR LUNAM 5:6

Odokkc migom dungko pongkokdo odokkc cdc turnc simvn dorpi:dc odokkc abv:nc tani:kvdv:dok ara:do, ngo me:r soben Awoko dagla du:dopc ka:to, cdc palvgnammcmpc a:rcng pi:nyikokki odokkc amig kvnvdkokki, okokvdv:dc Ru:ncpvnckc yalo kvnvddc:ji mo:pv appv:so:pc mclvgamnamkvdv:dc.

LUNGOR LUNAM 6:1

Cdcmpc idodo ngo cdvlo ka:toji Awo Me:rdc tubjet kvnvddok okodcm la:paktoji, odokkc ngo tadto cdc turnc simvn dorpi:dok adorkonc luto, do:mvrcmpc mvrnc gomugko, “Gva:tok!”

LUNGOR LUNAM 6:6

odokkc ngo tatto okodc simvndorpi:dok ara:do bc:nc gomugkoncmpc scmpc lula: lula ludopc, “Gew a:mlok sc:rkvramkopc adoli:lok; odokkc anyak a:m adoli:lok sc:rawumkopc; cmpige:la tulangcmla apongcm pv:sepv:semoyok!”

LUNGOR LUNAM 7:11

Odokkc taycng among lutad lunckvdv:dc migom dungkodcm du:rila dagamkang odokkc abv:nc tani:kvdv:dcmbulum odokkc turla du:nc simvn dorpi:dcm, odokkc bulu kcra:pc owangamkang migom dungkodo odokkc Ru:ncpvncmc kumto, scmpc lula:lula,

LUNGOR LUNAM 7:15

Cdcmpidag bulu Ru:ncpvnckc migom dungkodo dung, odokkc Bvm longc yumcpc agercm gerdag Bvk kumko okum ara:do; odokkc sc:kobv migom tedkodo tedycji bulum Bvk du:mvnkokki du:rasumoyc.