LUNGOR LUNAM 3:7 - ANU LUGOD N. T. (BSI)

⁷ “Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.

LUNGOR LUNAM 3:7 ပူးပေါင်းရင်းမြစ်များ

METIU 16:19

Ngo nom taycng among migomkc dungko mo:pvdok sabi:dcm biyc, odokkc okodcmci no mo:pvso edkabycnc cdcmci taycngamo:to edkabyc, odokkc okodcmci mo:pvso edge:ycnc cdcmci taycng amo:to edge:yc.”

METIU 24:35

Taycng amongtc: odokkc tani:amo:sc yogpagyc, ckvdaggom ngok agomkvdv:dc yogma:yc.

MARKKC 1:24

Odokkc bv jcsangkang, “Najaretsok Jisuno ngolum okkom inaycn? (Nokkoki ngolu okkom iycn) No ngolum mopitkapci gvdu:n, ngo kindag no sc:konc, Ru:ncpvnckc Angunnc Akodc.”

LU:KKC 1:32

“Bv bottcru:nckopc iyc, odokkc Tayc:rung yangkotok Du:ncdok Awodc cmna gogyc: Odokkc Ru:tum Ru:ncpvncbv Bvm Bvk abu Dawidkc migom dungkodcm biyc,

LU:KKC 4:34

“Najaretolok Jisuno! Okkom no ngolum iycn, Aycv? No ngolum mokekapc gvdu:nci? Ngo kindag no sc:koji, Ru:ncpvnckc Angunncdc.”

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

AGER KVDVNG 3:14

Cmpige:la nolu Angunncdcm odokkc Dormokancdcm topakto, odokkc nolum tani:mokenckodan nolum bidokupc koto,

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 1:11

“Adtoka okodcm no ka:begdagji potindo odokkc cdcm mondoli: kvnvddo:pc mclvgtoka, Ipesu:pc odokkc Smirna:pc odokkc Pargamu:pc odokkc Tiatira:pc odokkc Sardi:pc odokkc Piladelpia:pc odokkc La-odikia:pc.”

LUNGOR LUNAM 1:18

Nngo sito, odokkc ka:toka ngo lo:dv longkvpc turra dung, odokkc ngokkc Turnamdokkc odokkc Sinam kekonbok sabi:kvdv:dc dung. 1

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 16:7

Odokkc ngo palvgkkodcm kapdopc tatto, “C: Ru:tum Ru:ncpvncbv Appvng ilang-gvla:ncdc, nok kcba:ba:nam kvdv:dc arro odokkc arodc!”

LUNGOR LUNAM 19:11

Odo ngo taycng amo:tcm moge:dopc ka:to, odokkc ka:toka, kamponc gure: adorkonc! Sc:kobv odok tayc:do teddagji ludag Mc:jvgjvrvgdag odokkc Arro, odokkc dormokanamlo bv kcbangcm ba:dag odokkc mimagcm modag.

LUNGOR LUNAM 19:2

kapcnc Bvk kcba:-ba:namdc arodag odokkc arro; Bv bottcru:nc ami-miyc:pc igo:ncdcm kcbangcm ba:to sc:kobv mo:pvscm aima:nc agercm bvk ami-miyc:pc inamki germotoji, odokkc bv bvk ager gernam kvdv:dok i:dokkcm bvk palvgcm lvgto.”

LUNGOR LUNAM 2:1

“Ipesu:dok mondoli:dok taycng among lutad luncdo:pc adtoka: “Bvk agom kvdv:dcm sc:kobv takar kvnvddcm Bvk lagbvk alagdo bomdagji, sc:kobv kvnvd avn saki: lcnggcng arangkvdv:do gvgo:dagji.

LUNGOR LUNAM 21:5

Odokkc sc:kobv migom tedkodo teddagnc ludag, “Ka:toka ngo appvng attarcm anupc modag.” Bv cdcmsinci ludag, “Scm adtoka, kapcnc sc agomkvdv:sc mc:jvgpo:namc odokkc arro.”

LUNGOR LUNAM 3:14

“Odokkc Laodikia mondoli:dok taycng among lutad luncdo:pc adtoka: ced A:mendok agomkvdv:dcm cdc mc:jvg jvrvgncdokkc odokkc aro lukanbincdokkcm, cdc Ru:ncpvnckc ru:lenamdokkc.

LUNGOR LUNAM 4:8

Odokkc turra du:nc simvn dorpi:dc, appv:dokkc alap akkcng akkcngko dung, kekon kesag appv:do odokkc ara:do amigc, odokkc longgcmna: yummcm cdvlosin ni:tomcm mongasumang: “Angunnc, angunnc, angunnc, cdc Ru:tum Ru:ncpvnc Ilang-glangarya:ncdc, Sc:kobv dungaji odokkc sc:kobv:ji odokkc gvpcncdc.”

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

LUNGOR LUNAM 6:10

bulu bottapakpc jcla lusangkang, “O: Appvngcm bottaya:nc Ru:tuma, angunnc odokkc arro, cddvkojc po:pcbong no kcbangcm ba:ycnc odokkc ngoluk i:ycm palvgcm lvgyckunc cdc sc:kobulu mo:pvsok tayc:so du:ycdagycji?”