LUNGOR LUNAM 3:17 - ANU LUGOD N. T. (BSI)

¹⁷ Kapcnc no ludag, ngo mircmdag, ngo murkong kakang, odokkc ngom okkomsin lagimang; no:jc cmpcsin aisi:ma:nc cmna kinsuru:ma:pc, mc:dvrpc mc:pcnammc, opanc, miglunc, odokkc akudali:nc.

LUNGOR LUNAM 3:17 ပူးပေါင်းရင်းမြစ်များ

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

ROMANKVDVNG 7:24

Ngo cddvkojc aima:n tani:konc! Sc:konu ngom sc siko amvrsokkc motuycnc?

LU:KKC 1:53

Bv kcno:nckvdv:dcm ainc attarcm bila dotv:sumoto, odokkc mircmnc kvdv:dcm alag anggara:pc gvmotoku.

METIU 9:12

Cmpige:la Bv cdcm tadbegla, Bv luto, “Sc:kobulu csa:dagnc kinam ka:ncm mapcnam kamang; cmpige:la sc:kobulu ramdagnc bulu mapcnammc.

LUNGOR LUNAM 16:15

(“Ka:toka, ngo dopsongkoncmpc gvdoku! Sc:kobv darra toya:la du:nc akirba:d pa:nc, Bvk gcnam attarkvdv:dcm gctvla odomvlo jen bv pvtsula gvma:ycpc odokkc ka:de:pc ka:begma:ycpc!”)

ROMANKVDVNG 12:3

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

2 PITOR 1:9

Kapcnc sckkci sc:bulu pv:ramycnc miglunc odokkc andc:pc asingcnnc odokkc mitpantobong jc bvm po:pckc pa:pkvdv:dokkcm mopu:to.

METIU 5:3

“Asinbo opanc cmna mc:sunckvdv:dc aipc luitpcnamc, kapila:nc Ru:ncpvnckc dungko taycngamo:dc bulukkc.

LU:KKC 6:24

“Cmpige:la sc:kobulu mircmdu:nc nolu:kkcpc mc:dvrpcnamc, kapila:nc noluk mc:pom nolu pa:toibong.

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

LUNGOR LUNAM 3:16

Cdcmpidag, no inggango:nam lcgangc, odokkc ansv:sinmang guma:sinma:la, ngo nom ngok nappa:lokkc badlennvgyc.