LUNGOR LUNAM 3:15 - ANU LUGOD N. T. (BSI)

¹⁵ “Ngo kindag nok agerkvdv:dcm: no ansv:sinmang gusinmang. No ansv:ma:pc cdcmanggom guma:pc du:ycnci!

LUNGOR LUNAM 3:15 ပူးပေါင်းရင်းမြစ်များ

ROMANKVDVNG 12:11

Bottapc ager gernamlo cdvlosin lo:bagyok, Yalodokki dorrangka, Ru:ncpvnckc agercm gertoka.

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

LUNGOR LUNAM 2:4

Cmpige:la nok birudi:pc ngokkc sc dung, jc nok mc:pongarnam aipcmc:namdcm mcpakto.

METIU 24:12

Odokkc aima:pc ager inamc bojcru:pc inam lcgangki, abayang tani:kvdv:dok aipc mc:nam mcngasuyc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

PILIPIANG KVDVNG 1:9

Odokkc cdc ngok kumnamc jc noluk aipc mc:namdc jen bojc bojcya:pc du:ycpc kinnamkokkilang mcngkin-sagkinnam-kokki.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

METIU 10:37

“Sc:kobv ngomyam avkc abudcm cdcmanggom ancdcm aiya:pc mc:ycnc bv ngokkcpc ipc arc kamang; odokkc sc:kobv ngomyam awodcm cdcmanggom omcdcm aipc mc:ya:ycnc bv ngokkcpc ipc arc kamang.

LUNGOR LUNAM 3:1

“Odokkc Sardi:dok mondoli:dok taycng among lutad luncdo:pc attoka: “Bvk agomkvdv:dcm sckkc Ru:ncpvnckc Yalo kvnvddc du:ji odokkc kvnvd takarc du:ji. Ngo kindag nok agerkvdv:dcm; nokkc turra dung cmnam amindc dung, odokkc no sinnc.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

1 KORINTIANG KVDVNG 16:22

Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk.

LUNGOR LUNAM 3:16

Cdcmpidag, no inggango:nam lcgangc, odokkc ansv:sinmang guma:sinma:la, ngo nom ngok nappa:lokkc badlennvgyc.