LUNGOR LUNAM 22:9 - ANU LUGOD N. T. (BSI)

⁹ cmpige:la bv ngom luto, “No cdcmpc iyorungka! Ngo nok lcdulo ager gerjon akomvn odokkc nok lungor lunc bvrrang kvdv:dokki, odokkc cdc sc:kobulu sc potinsok agom kvdv:dcm gagla du:dagji. Ru:ncpvncmc kumtoka!”

LUNGOR LUNAM 22:9 ပူးပေါင်းရင်းမြစ်များ

METIU 4:9

odokkc bv Bvm luto, “Sc appv:scm nom ngo biyc, no tunga:la ngom kummvlo.”

LU:KKC 4:7

No ngom, kummvlo, cdc appv:dc nokkcpc ingapyc.”

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

LUNGOR LUNAM 1:11

“Adtoka okodcm no ka:begdagji potindo odokkc cdcm mondoli: kvnvddo:pc mclvgtoka, Ipesu:pc odokkc Smirna:pc odokkc Pargamu:pc odokkc Tiatira:pc odokkc Sardi:pc odokkc Piladelpia:pc odokkc La-odikia:pc.”

LUNGOR LUNAM 14:7

odokkc bv bottcpc lunam gomugkokki luto, “Pcsotoka Ru:ncpvncmc odokkc Bvm amincm gvmotoka, kapcnc Bvk kcba:ba:nam ayirdc pvnga:du:bong; odokkc Bvm kumtoka sc:kobv taycng amongtcmna mo:pvscm ru:toji, siycngdcm odokkc asijili: kvdv:dcm.”

LUNGOR LUNAM 15:4

Sc:kobv pcsoma:nc odokkc nok amincm gvmoma:ycn, O: Ru:tum? kapcnc nok atcrongc angundag. Appvng ope:yc gva:yc odokkc nom kumyc, kapcnc nok kcbang ba:namdcm lcngkanto.”

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

LUNGOR LUNAM 22:10

Odokkc bv ngom luto, “Sc potinsok lungor lunam agomkvdv:scm tubbjet tubkabla lc:yoka, kapcnc ayirdc anindanka:bong.

LUNGOR LUNAM 22:18

Ngo appvngcm sc:koi taddagnc lulomla lutaddung cdc sc Potinsokkcm lungor lunam agomkvdv:dcm: jodi akonc odobulu adtcmlvgyc, Ru:ncpvncbv bvm sc potinsok cdc joar kinam ramnam lukurla lungabbinam moke-momar kvdv:dcm–bitcmlvgyc,

LUNGOR LUNAM 22:7

Odokkc ka:toka, ngo lomdanna gvdokubong. “Sc:kobv sc potinsok lungor agom kvdv:dcm gagla du:ycnc bv akirba:d pa:nc!”

LUNGOR LUNAM 4:10

cdc vyvngkolang anyi abv:nc tani:kvdv:dc Bvk kcra:do owa:dag sc:kobv migom dungkodo dunga:dagji odokkc Bvm kumdagji sc:kobv lo:dv longkvpc turra du:dagji, buluk migom dumlubcm bulu migom dungkodo lc:dag,

LUNGOR LUNAM 9:20

Tani: rcngamsok akedc, sc:ko bulum moketoma:ji cdc joar a:la sinam kvdv:dokki buluk alakki ager gernamkvdv:dok lcgang asinc mc:dvrra mc:latsutomang cdcmanggom uiycm kumtvnammcm odokkc avn moimangcmbulum odokkc pitolcm odokkc vlvngcm odokkc vsvnglokki monamc, okodc:bulu ka:begla:sinmang odokkc tadbegsinmang odokkc lambcmsin gvla:mang;