LUNGOR LUNAM 22:17 - ANU LUGOD N. T. (BSI)

¹⁷ Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.

LUNGOR LUNAM 22:17 ပူးပေါင်းရင်းမြစ်များ

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

LUNGOR LUNAM 21:6

Odokkc Bv ngom luto, “Cdcm gerpvttobong! Ngo Alpa:dc:lang Omega:dc, cdc lenrobbomkang odokkc lentcrdc. Tv:lv:ncdcm ngo turnam jili:dok asscm murkong la:ma:pc tv:moyc.

JO:N 7:37

Dopun dojardcm dongapdo longcdo, bottaru:nc longcdo, Jisubv dagrobto odokkc bottcpc lugo:bito, “Sc:koiyc tv:lv:dagmvlo, bvm ngokkolo:pc mca:lvgtoka odokkc tv:motoka.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

LUNGOR LUNAM 22:1

Odokkc Bv ngom turnamdok a:ncdok asidcm lcngkanto, arscmpc tong cmna lolatdag,

LUNGOR LUNAM 21:9

Odokkc kvnvd taycng lutaddok akonc gvlendo sc:kobvkkc kvnvd soriangdc lcddarkc joardc kinamramnamdc bi:nckopc dungaji, odokkc ngom scmpc lula luto, “Kajc gvtok, ngo nom Yamncdcm lcngkanyc,

LUNGOR LUNAM 21:2

Odokkc ngo angunnc nogordcm ka:begto, anu Jerusalemdcm, taycng amongtokkc Ru:ncpvnckolokkc milbo:dok lcgangc, yamncdc gcru:sunncmpc ila dc:yi:dopc;

ROMANKVDVNG 3:24

bulu Bvk ayangkokki ainc cmna amankopc ludag, Kristo Jisukolo pa:nam mopvnamkokki,

LUNGOR LUNAM 22:16

“Ngo Jisubv ngok taycng among lutad lunckvdv:dcm sc lukan lubinam kvdv:sokki nokkolo:pc Kristan mondoli:kvdv:dok lcgangc mclvgtung. Ngo appvrdc odokkc Dawidkolokkc sa:lennc oiyinnc, cdc ro: rokomlok unjernc takardc.”

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

1 KORINTIANG KVDVNG 2:12

Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.

JO:N 4:29

“kajc gvla ka:ta:ka tani: akoncjc ngok ager gernam appv:dcm lungapbitonc. Bvwvng Kristobv:nci?”

JO:N 4:11

Cdc nc:dc Bvm luto, “Miganga, nokkc suksa:nannc okkosin kamang, odokkc siru:sc orv:dag; okolok no cdc turyala du:nc asidcm pa:ycn?

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”

LUNGOR LUNAM 14:13

Odokkc ngo taycngtokkc scmpc gomugko lunamko tadbegto, “Scm attoka: su:pakkolokkc sc:kobulu Ru:tumkc lcgangc sidagnc cdc sinckvdv:dc akirba:d pa:nc.” Yalodc ludag, “jc buluk ager gernamkvdv:dokkc du:rasunamcm pa:ycpc, kapcnc buluk ager gernamkvdv:dc buluk gerkamdcmpc pa:to!”

JO:N 1:37

Cdc agom tadjvgla gvmvnnc tani: anyidc Bvk cdc lunamdcm tadto, odokkci bulu Jisukc lcdulo gvmvnkang.