LUNGOR LUNAM 22:14 - ANU LUGOD N. T. (BSI)

¹⁴ Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.

LUNGOR LUNAM 22:14 ပူးပေါင်းရင်းမြစ်များ

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

1 JO:N 5:3

Kapcnc cdcna Ru:ncpvnckc aipc mc:namdc, jc ngolu Bvk lulvg lunam kvdv:dcm gagdo. Odokkc Bvk lulvg lunam kvdv:dc jo:la:ma:pc inammang.

LUNGOR LUNAM 22:7

Odokkc ka:toka, ngo lomdanna gvdokubong. “Sc:kobv sc potinsok lungor agom kvdv:dcm gagla du:ycnc bv akirba:d pa:nc!”

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

1 KORINTIANG KVDVNG 7:19

Bvm gadpuknammcm mamoyoka. Kaila:nc gadpuknamdc:sin atvkosin kvtc:mang cdcmanggom gadpukma:namdc:sin, cmpige:la Ru:ncpvnckc kvnggv:pc lulvgnamdc.

LUNGOR LUNAM 22:2

Ru:ncpvnckc migom tedkodokkc odokkc cdc Awome:r sobendok dungkodokkc nogordok ali: lambcdok pongkokdokkc binncko; odokkcsin, a:nc kekon-kesagdo, cdc turnamdok vsv:dc odok vyvngkolang anyikopc angu angupc e:nc a:yckvdv:dc, odok a:yckvdv:dc po:lo po:lolo; odokkc vsv:dok a:yckvdv:dc opvnkvdv:dok csa:mokunam lcgangc.

JO:N 10:7

Cdcmpila Jisubv bulum lckoda lubito, “Aroru:pc, aroru:pc, ngo nolum lubidung, ngo bera sobenkvdv:dok yabgodc.

JO:N 10:9

Ngo yabgodc; sc:koiyc ngogkolok gva:mvlo, bvm moturyc, odokkc gvlenycsin gva:ycsin odokkc dogongkowycm pa:yc.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

LUNGOR LUNAM 21:12

Odokkc bottcru:ncko, owudnc bare:ko dungai, vyvngkolang anyikopc yabgo, odokkc yabgokvdv:do vyvngkolang anyiko taycng among lutad lunc tani:yc, odokkc yabgo kvdv:do vyingkolang anyi Israeldok opvndok awokvdv:dok aminkvdv:dcm arrvgtagai;

1 KORINTIANG KVDVNG 9:5

Ngolukkc yamncko du:bogvbosula du:la:nammc kama:nci, cdc ake mclvgla ager germonam kvdv:dcmpclang Ru:tumkc bvrokvdv:dcmpc odokkc Kepaskcmpc?

1 KORINTIANG KVDVNG 8:9

Kanggabo:lang ckvma:mvlo sc noluk dolvngcm donamdc kapcjila lcsudsuko sv:tu:pc sckkai mcngkinma:nc kvdv:dokkcpc iyc.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 4:12

No ngoluk Abu Jakobmc bottcya:dagnci, sc:kobv ngolum sidc siru:scm bitagji, odokkc bvk avdc tvngkaji, odokkc bv awokvdv:dc, odokkc bvk simvnkvdv:dc?”