LUNGOR LUNAM 21:7 - ANU LUGOD N. T. (BSI)

⁷ Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 21:7 ပူးပေါင်းရင်းမြစ်များ

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

LUNGOR LUNAM 21:3

odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

LUNGOR LUNAM 2:11

Sc:kokc yerungc du:ji, bvm tadmotoka okodcm Yalodc mondoli:dcm ludagji. Sc:kobv mopvdoji lckon sinamdokki sikuma:yc.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

LUNGOR LUNAM 2:17

“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

1 PITOR 3:9

Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

LUNGOR LUNAM 2:25

nokkc okko du:ji cdcm gaglangong du:toka, ngo gvkuma:sisscm.

MARKKC 10:17

Odokkc Bvk gvtc:lok gvbomnammc, tani:akonc duga:la Bvk kcra:do lcbvng tumangkang, odokkc Bvm tawuto, “Airu:nc Luyirna, turyarla turnamdcm pa:pc ngo okkardcm ipcru:nammcn?”

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

ROMANKVDVNG 8:14

Kapila:nc sc:kobulu Ru:ncpvnckc Yalodokki gvbonampc idagnc cdcbulu Ru:ncpvnckc aowo.

ROMANKVDVNG 8:19

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung;

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.