LUNGOR LUNAM 21:3 - ANU LUGOD N. T. (BSI)

³ odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

LUNGOR LUNAM 21:3 ပူးပေါင်းရင်းမြစ်များ

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

1 TISSALONIANG 3:11

Su:pak ngoluk Ru:ncpvncbv odokkc Abubv avdc, odokkc ngoluk Ru:tum Jisubv, ngolum lambcm nolukkolo:pc lcngkantcika;

HIBRIUKVDVNG 11:16

Cmpige:la cdc kapc itonc, bulu aiya:nc dungko amongko pa:pc cmna mc:to, cdcmyam, taycng dungko ako. Cdcmpidag Ru:ncpvncbv buluk Ru:ncpvnnc cmna gokkosupc anyvtomang, kapcnc Bv buluk lcgangc nogorko mosv:to.

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

HIBRIUKVDVNG 8:2

Migom ager gerncko aipc kumnamcm kumkodo odokkc aro tombudo okodcm tani:ki mogabmang cmpige:la Ru:tum bvkkokki mogabtoji.

LUNGOR LUNAM 10:4

Odokkc cdvlo cdc kvnvd domvrkvdv:dc mvrka:ji, ngo adpc cmna idungaboi, cmpige:la ngo taycngtokkc scmpc lunam gomugko tadbegto, “Cdc kvnvd do:mvrdc okkom ludagji tubjetla lc:toka, odokkc cdcm adgabyok.”

LUNGOR LUNAM 10:8

Odo cdc gomugdc okodcm ngo taycngtokkcm tadbegtonc ngom lckoda, scmpc lula: lula lunamdcm, “Gvkang, cdc yednam potindcm la:ta:ka okodcm taycng among lutad lunamdok alagdo du:ji okodc siycngdo:lang amo:do dagla du:ji.”

LUNGOR LUNAM 12:10

Odokkc ngo bottcru:nc gomugko scmpc lunamko taycngto tadbegto, “Su:pak mopvtnamdc odokkc ilang gvla:namdc odokkc ngoluk Ru:ncpvnckc migom doko amo:dc odokkc Bvk Kristokc ilang gvla:nancdc pvnga:dobong, kapcnc ngok bvrrang kvdv:dcm aimang cmna lulvgncdcm crpaklettobong, sc:kobv ngoluk Ru:ncpvnckc kcra:lo longgcmna: yummcm aimang cmna ludagaji.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 22:3

Odo oko pelvgnammcsin kama:ycbong, cmpige:la Ru:ncpvnckc migom dungkodc odokkc cdc Awome:r sobendc odo du:yc, odokkc Bvk ager gerya:nc kvdv:dc Bvm kumyc;

LUNGOR LUNAM 7:15

Cdcmpidag bulu Ru:ncpvnckc migom dungkodo dung, odokkc Bvm longc yumcpc agercm gerdag Bvk kumko okum ara:do; odokkc sc:kobv migom tedkodo tedycji bulum Bvk du:mvnkokki du:rasumoyc.