LUNGOR LUNAM 20:4 - ANU LUGOD N. T. (BSI)

⁴ Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

LUNGOR LUNAM 20:4 ပူးပေါင်းရင်းမြစ်များ

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

METIU 24:10

Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

MARKKC 6:16

Cmpige:la Herodbv cdvlo cdcm tattonc bv luto, “Jo:nbv, sc:kom ngo mittukdcm papvrtonc, bvm turmotoku.”

MARKKC 6:27

Odokkc oddung migomdc mimag monc ako sontori:kvdv:dokkcm mclvgto odokkc bvk mittukdcm boma:dokupc lulvgto. Bv gvto odokkc makana:do bvk mittukgcm papvrto,

MARKKC 9:11

Odokkc bulu Bvm tawuto, “Kapila ainc agom luyirnckvdv:dc Elija:bv gvpo:yckupc cmna ludang?”

LU:KKC 1:17

Odokkc bv Elija:kc yalodokki Bvm gvpo:la gvyc, abukvdv:dok asinkvdv:dcm awokvdv:do:pc mc:latmokupc, odokkc Ru:ncpvnckcpc tani:kvdv:dcm mosv:pc cmna agom lukamdcmpc, tadma:nckvdv:dcm dormo kanckvdv:dok agom kinnam-pa:nam kvdv:do:pc.”

LU:KKC 14:14

miglunc kvdv:dcm odokkc odo nolu aipaiycm pa:yc, kapila:nc bulu nolum bilatsulangkuma:yc. Aropc ainckvdv:dc sige:la lckoda turlangkula kcbang ba:dokudodo nom bigangcm biyckupc.”

LU:KKC 22:30

migom doko mo:pvko, okolo nolusin dola:-tv:la:ycpc ngok tcbuldo ngok doko mo:pvdo, odokkc Israeldok vyvngkolang anyi opvndcm kcbangcm ba:ycku migom dungkodo tedge:la.

JO:N 14:19

Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.

ROMANKVDVNG 11:15

Kapila:nc buluk aimang cmna mcpaknamdc jodi mo:pvscm lckomokunammc, buluk torvg sunamdc sikolokkc turkunamdcma:mvlo kapc iycn?

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

2 TIMOTI 2:12

jodi ngolu oijoto, ngolusin Bvk lcdulo migomcm domvnyc; jodi ngolu Bvm lupaksuyc, Bv:sin ngolum lupaksuyc;

LUNGOR LUNAM 1:2

Sc:ko Ru:ncpvnckc agomdcm lukanbikaji odokkc Jisu Kristokc lukanlubinamdcm, Bvk ka:nam appv:dcmci.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 11:11

Cmpige:la lowumkolang lo:tung lcdudo turnamlok nganamko Ru:ncpvnckolokkc bulukkolo:pc angkang, odokkc kvnggv:pc pcsoko angkang cdc sc:kobulu bulum ka:toji.

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”

LUNGOR LUNAM 11:3

Odokkc ngok lukanbinc anyidcm lv:yingkolang lvngko anyi odokkc yingkc: longckopc toilang attar gcge:la, lungor lunanc ilang gvlangcm biyc.”

LUNGOR LUNAM 11:7

Odokkc cdvlo buluk lukanbinamcm lungaptoji, simvndc cdc du:tcrkama:pc o:rv:nc jiko:dokkc lenncdc bulum mimagcm moyc odokkc bulum mopvto odokkc bulum moketo,

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

LUNGOR LUNAM 14:11

Odokkc odokbuluk romke-rommarnamkvdv:dok mikkikvdv:dc lo:dv longkvpc odokkc yv:sangkang; odokkc bulukkc longcdaggom yumcdaggom, yv:rasukko katomang, cdc simvnkvdv:dok odokkc odok monam moimang kvdv:dok kumnckvdv:dc, odokkc sc:kobului odok mogoddcm torvgsudagji.”

LUNGOR LUNAM 15:2

Odokkc ngo ka:to okodc siycng arscmpc ka:dagji vmvkokki lckola, odokkc cdc sc:kobulu simvndcm mopvttoji odokkc odok monam moima:dcm odokkc odok amindok kvnam kvdv:dcm, siycng arsidok ru:yido dagla du:dopc buluk alagkvdv:do Ru:ncpvnckc be:langcm bomla.

LUNGOR LUNAM 17:8

Cdc nok ka:nam simvndc, odokkc cdcmang, odokkc du:tcrkama:nc jiko:dokkc lensa:pcnamc odokkc lo:dv longkvpc sipakkunamdo:pc gvpcnc; odokkc mo:pvsok du:nc-dagnckvdv:dc sc:kobuluk amincm turnckvdv:dok potindo adtoma:ji mo:pvscm mogabdodokkc, simvndcm ka:la mcngapla:ma:pc kangaksuyc, lcga:dc cdcai odokkc cdc gvkupcncdc cdcmangai.

LUNGOR LUNAM 2:26

Sc:kobv mopvycji odokkc sc:kobv ngok agercm du:tcrdo:pc gerycnc, ngo bvm angu opvnkvdv:dcm mopvla:nanc tornamcm biyc,

LUNGOR LUNAM 20:6

Sc:kobv turpongar kunamdcm turmvnyckunc bv akirba:d pa:nc! Odokbulukkcmpinc tayc:do sitenkunam sinamdokkc ilang gvlangc kama:bong, cmpige:la bulu Ru:ncpvnckc odokkc Kristokc kumnam agerlok igur gvgurncpc ingapycku, odokkc bulu Bvk lcdulo lv:ying dv:takkopc migom domvnyc.

LUNGOR LUNAM 22:5

Odokkc yummc cdvlosin kakuma:ycbong; bulu atv saki:lok pvangko cdcmanggom do:nyiko lagima:ycbong kapcnc Ru:tum Ru:ncpvncbv buluk pva:pc iycku, odokkc bulu lo:dv longkvpc migom doycku.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.

LUNGOR LUNAM 4:4

Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

LUNGOR LUNAM 6:9

Cdvlo bv anggo tubjetdcm moge:toji, ngo kumko palvgko kcvgdo cdc yalokvdv:dcm ka:begto sc:kobulu Ru:ncpvnckc agom lcgangc palvgtoji odokkc buluk lukanbinam lcgangc bulum onamai;

LUNGOR LUNAM 7:3

“Mo:pvscm cdcmanggom siycngcm cdcmanggom vsvngkvdv:dcm momvgyoka, ngolu ngoluk Ru:ncpvnckc ager gerya:ncdcm buluk mittukvdv:do tubjedcm tublvgma:sisscm.”