LUNGOR LUNAM 20:2 - ANU LUGOD N. T. (BSI)

² Odokkc bv alap kanc tabvdcm ycnggabto, cdc leketo:dvkc tabvdcm, okodc Uidc:ji odokkc Satandc, odokkc bvm lv:ying dv:takkopc ycnggabla lc:to, odokkc bvm jiko:do cryi:lvgto,

LUNGOR LUNAM 20:2 ပူးပေါင်းရင်းမြစ်များ

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

METIU 8:29

Odokkc ka:toka bulu jc:la luto, “No ngolukkokki okkom iycn, O: Ru:ncpvnckc Aowa? Ayirdc pvnga:ma:dapci no ngolum moke momarkapc gvdu:nci?”

MARKKC 4:15

cdvlo bulu taddaganc, Satandc:sin oddung gva:dag odokkc agomdcm la:pakdag bulukkolo pidlvgnamdcm.

MARKKC 5:7

Odokkc bottapakpc bc:dopc jc:la, bv luto, “Okkom no ngom inaycn, Jisua, Appvngcm Bottcya:nc Ru:ncpvnna? Ngo Ru:ncpvncmc petomna nom pesubidung, ngom mogvtmomatyoka.”

JO:N 12:31

Su:pak sc mo:pvsok kcbangcm ba:dung, su:pak sc mo:pvsok migom donckvdv:dcm la:pagamyc;

JO:N 16:11

kcba: ba:nam agomcm, lcga:dc sc rcngamsok migom doncdcm kcbangcm ba:takbong.

ROMANKVDVNG 16:20

odo sakpola du:namdok Ru:ncpvncdc mcna:pc uidcm mokela alcki tumvg-momvgyc. Ngoluk Ru:tum Jisukc aya:dc nolukkolo du:mvnka:langka.

HIBRIUKVDVNG 2:14

Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

2 PITOR 2:4

Kapcnc jodi Ru:ncpvncbv taycng among lutad lunckvdv:dcmci cpv:pc mctomang cdvlo bulu pa:bcm itoji, cmpige:la bulum ui-amo:bo:pc crrvgto odokkc bulum kcvgkc kcmmo jvng cmnc aru:do:bulu tolvgtag odo kcba:bangkunam longcdo:pc;

JU:D 1:6

Odokkc taycng lutadkvdv:dc buluk avkc dunggodcm du:toma:nc cmpige:la buluk du:tcng du:namcm mc:tonc Bv lodvlongkvpc ikoli:ki yc:la lc:tobong kcvgkkc uiamo:bo cdc kcba:ba:nam bottcru:nc longdo:pc;

LUNGOR LUNAM 12:13

Odokkc cdvlo cdc alapkanc tabvdc ka:to jc bvm mo:pvso crpakletto, bv nc:ng tani:dcm moki: moatto lcdupc sc:kobv milbong ko:ko pa:toji.

LUNGOR LUNAM 12:15

Cdc tabvdc cdc nc:ng tani:dok lcdu lcdupc a:nc abungkoncmpc asscm toyi:lvgto, bvm Pu:mi asidokki bidpakbomdopc cmna.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 12:3

Odokkc akonkoda dungko-ycko kama:pc inamko taycngto lenkang; ka:toka, bottapaknc lv:nc alapkanc tabvko, mittuk kvnvdkolang a:rcng so:yvngko, odokkc bvk tukkudo kvnvdko migom dumlubc dung.

LUNGOR LUNAM 12:4

Bvk tamedc taycngtok takarkvdv:dok intak awumko pcdpakto, odokkc cdcmbulum mo:pvso:pc crpagamletto. Odokkc cdc alap kanc tabvdc cdc nc:dok kcra:do dagkang sc:kobv kowako pa:pc cmna idungaji, jc bv:jen bvk ko:dcm metpakycpc cdvlo bv cdcm boma:ycji;

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 13:2

Odokkc cdc simvndc ngok ka:namdc Nangorputuki: takar adorkoncmpc idagai, odok alckvdv:dc situm adorkonclokkcmpc idagai, odokkc odok nappa:dc inggolok nappangcmpc idagai. Odokkc cdcm cdc alapkanc tabvdc bvk ilang gvla:dcm bito odokkc bvk migom dungkodcm odokkc bottcru:pc migom ilang-gvlangcm.

LUNGOR LUNAM 13:4

Tani:kvdv:dc alap kanc tabvdcm kumto, kapcnc bvk lulvgla:nam ilang gvlangcm cdc simvndo bito, odokkc bulu scmpc lula simvndcm kumto, “Sc:kobv sc simvnscmpcidang, odokkc sc:kobv sok birudi:pc pamvnsudang?”

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

LUNGOR LUNAM 20:7

Odokkc cdvlo cdc lv:ying dv:takdc gvngapka:ji,

LUNGOR LUNAM 9:11

Buluk ara:lo migompc innc du:tcr kama:pc inc jiko:dok taycng among lutad lunnc dung; Hibriulo bvk amincm Abaddon cmtag, odokkc Giriklo bvm Apollion cmna gogdag.