LUNGOR LUNAM 20:12 - ANU LUGOD N. T. (BSI)

¹² Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.

LUNGOR LUNAM 20:12 ပူးပေါင်းရင်းမြစ်များ

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

LUNGOR LUNAM 22:12

“Ka:toka, ngok palvgcm lvgkakupc, gvdokubong, okodcmci ikaji appvngcm bikakupc.

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

LUNGOR LUNAM 11:18

Opvnkvdv:dc aglvngc sangkang, cmpige:la nok palvg lvgnam aglvngc pvngangkang odokkc sinckvdv:dcm kcbang bangkunam ayirdc, nok ager gerya:nckvdv:dcmbulum aman bikupc cmna, lungor lunckvdv:dcm odokkc aipc kumnc tani:kvdv:dcm Odokkc cdc sc:kobulu nok amincm pcsodagji, anyipagcm bottcnclang adji:ncm, Odokkc mo:pvsok momvg mosvgnc kvdv:dcm momvg-mosvgkupc.”

LUNGOR LUNAM 3:5

Sc:kobv mopvycnc kampopc attarcm gcyc, odokkc ngo bvk amincm turnc kvdv:dok potindokkcm notpakma:yc; ngo bvk amincm ngok Abukc kcra:do odokkc bvk taycng among lutad lunckvdv:do lukanbiycku.

LUNGOR LUNAM 20:13

Odokkc siycngdc sinckvdv:dcm odok ara:do topakletto, Sinamclang Uiamongc buluk ara:do sinckvdv:dcm topakletto, odokkc okodcm bulu itoji appv:dcm kcbangcm ba:to.

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

AGER KVDVNG 24:15

Ru:ncpvnckolo mc:tinna mc:la okodcm bulu avkvdv:dc:sin torvgsudo, jc ainclang aima:nclok anyipaklokkc sige:la turkunamko turycku.

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.

LUNGOR LUNAM 19:5

Odokkc migom dungkodokkc scmpc lula, gombugko buglenkang, “Ngoluk Ru:ncpvncmc nolu appvngc Bvk ager gerya:nc kvdvnga, aipai bitoka, nolu sc:kobulu Bvm, adji:nclang bottcnc pcsodagnc.”

PILIPIANG KVDVNG 4:3

Odokkc ngo nolumsin taudung, aropakpc jungoli:ajonc, sc nc:ngkvdv:scm gerdum-gerrumsudung, kapcnc bulu kekonkesakpc agercm gerto tadponc lutaddcm lckopc luddom Klementkokki odokkc ngok ake ager gerjon ajonkvdv:dokki, sc:k aminkvdv:dc turnam potindo du:ji.

LU:KKC 10:20

Ckvdaggom uikvdv:dc:jc noluk kcyvgpc ingapkang cmna mc:poyoka, cmpige:la noluk aminkvdv:dcmjc taycng amo:tc adgabla lc:tak cdcmpila:pak mc:polang.”

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

ROMANKVDVNG 2:6

Kapila:nc Bv tani: appvngcm Bvk ager gerkamdcmpc bipcnammcm biyc:

LUNGOR LUNAM 17:8

Cdc nok ka:nam simvndc, odokkc cdcmang, odokkc du:tcrkama:nc jiko:dokkc lensa:pcnamc odokkc lo:dv longkvpc sipakkunamdo:pc gvpcnc; odokkc mo:pvsok du:nc-dagnckvdv:dc sc:kobuluk amincm turnckvdv:dok potindo adtoma:ji mo:pvscm mogabdodokkc, simvndcm ka:la mcngapla:ma:pc kangaksuyc, lcga:dc cdcai odokkc cdc gvkupcncdc cdcmangai.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

METIU 11:22

Ckvdaggom ngo nolum lubidung, bottcru:nc kcba:ba:doku longcdo Ti:rdc:lang Sidondokkcpc du:jcmna du:poya:ycpc nolukkcmyam.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.