LUNGOR LUNAM 2:9 - ANU LUGOD N. T. (BSI)

⁹ “Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

LUNGOR LUNAM 2:9 ပူးပေါင်းရင်းမြစ်များ

METIU 4:10

Odo Jisubv Bvm luto, “Gc:rkang, Uiya! Kapila:nc scmpc adtag, ‘Nok Ru:ncpvncmc kumnang odokkc Bvk lcgangong mc:tomna agercm gerrang.’ ”

LU:KKC 12:21

“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

LU:KKC 22:65

Odokkc bulu bojcrungkoda Bvk agom lupakla agomcm luto, Bvm luka:la lula.

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

LU:KKC 6:20

Odokkc Bvk agom tadjvgla gvmvnnc tani:kvdv:dcm Bv bcrsa:la kangge:la luto: “Opankvdv:dc gernc-pu:nc, kapila:nc Ru:ncpvnckc migom doko mo:pvdc nolu:kkc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

AGER KVDVNG 26:11

Odokkc kumko okum okumkvdv:do kvnggv:pc bulum dcmto-moto odokkc bulum imur incpc cmna ankvla kangkvto; odokkc buluk birudi:pc kvnggv:pc ipusire:la aglvngcm lv:to, ngo bulum amikc amo:lo:sin mogvtmomatto.

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

ROMANKVDVNG 2:17

Cmpige:la nolu av avyc Jiwu cmna lusumvlo odokkc lujvglurodo kcgc:suyc odokkc nok Ru:ncmc ajon jonnamdcm bottapakpc lusuyc odokkc bv mcngkamdcm kindo odokkc;

ROMANKVDVNG 5:3

Cdcmpcyamsin, ngolu ngolum ipusire:kvdv:do mc:pomola:do, ipusire: pa:dolo:sin mentumsula:nam tornamcm lenmodag cmna kinna:yam,

ROMANKVDVNG 8:35

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

ROMANKVDVNG 9:6

Cmpige:la cdc cdcmpcmang Ru:ncpvnckc agomdc:jc aitomang cdcmpc. Kapila:nc Israeldokkc lennc appv:dc Israelmang,

2 KORINTIANGKVDVNG 6:10

opanncmpc innc, ckvdaggom bojcrungcm mircmmonnc; okkosin kama:ncmpc innc, odokkc ckvdaggom appvngc dung.

2 KORINTIANGKVDVNG 8:2

Kapila:nc kvnggv:pc ipusire:pa:namlok ankang ka:namki, buluk pv:namko kvnggv:pc mc:namclang okokosin kama:sv:ma:namdc bulukkcpc kanamsvnamlo bojcyangkang.

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

1 TISSALONIANG 3:4

Kapila:nc cdvlo ngolu noluk lcdulo dunganc, ngolu po:pcbong nolum luka jc ngolu ipusire:ycm pa:pcnammc; kappar cdc cdcmpc ika:ji, odokkc kapc nolu kindagji.

1 TIMOTI: 1:13

ngo po:pcbong Bvm nindaikagom odokkc ipusire:ka odokkc luka:la luka; cmpige:la su:pak ayangcm pa:tobong kapila:nc ngo kinma:pa:ma:ru:pc mc:jvgma:pc gerto, odokkc ngoluk Ru:tumkc

1 TIMOTI: 6:18

Bulu ainc agercm gerpa:yc, ainc ager gernam kvdv:lo mitc-mircmpcmvlo, bipaknam attarcm bijo:pcnamc odokkc ammem ayang abola,

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

LUNGOR LUNAM 2:24

“Cmpige:la Tiatira:dok nolu akedo:pc, sc:kobulu sc poyirdcm gagla du:ma:nc, sc:kobulu poyirsuma:nc okodcm Satandok orv:nc ager cmna ludagnc, nolukkolo:pc ngo ludung, ngo nolukkolo atv angu jo:namko jonggclvgmang;

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.