LUNGOR LUNAM 2:5 - ANU LUGOD N. T. (BSI)

⁵ Mc:pa:langka cdcmpinamc no okolokkc kcdledka:ji, asinc mc:dvrra mc:latsutokuka odokkc agerdcm nok gerangarpo:la gernamdcm gertoka. Germa:mvlo, ngo nokkolo:pc gvyc odokkc nok saki: tvgcnancdcm odok tvkodokkc la:pakyc, no asinc mc:dvrra mc:latsukuma:mvlo.

LUNGOR LUNAM 2:5 ပူးပေါင်းရင်းမြစ်များ

METIU 5:14

“Nolu mo:pvsok pvangc. Adi: taycngkolo du:nc nogorc lc:sisula:mang.

METIU 5:15

Cdcmpcmanggom tani:yc saki:ko romnotge:la gempa kcvglo lc:dolang, cdcmang saki: tvgcngko taycngkolo:mvn, odokkc cdc okum appv:dcm pvangcm pvmodag.

MARKKC 12:9

“Arvgdok ru:tumdc okkom iycsong? Bv gvla arvg inckvdv:dcm mokkeyamyc, odokkc angur arvgdcm ammem bipakyc.

LU:KKC 1:17

Odokkc bv Elija:kc yalodokki Bvm gvpo:la gvyc, abukvdv:dok asinkvdv:dcm awokvdv:do:pc mc:latmokupc, odokkc Ru:ncpvnckcpc tani:kvdv:dcm mosv:pc cmna agom lukamdcmpc, tadma:nckvdv:dcm dormo kanckvdv:dok agom kinnam-pa:nam kvdv:do:pc.”

LU:KKC 20:16

Bv gvyc odokkc cdc arvg inc appv:dcm mokkeyamyc, odokkc angur arvgdcm ammem bingapyc.” Bulu cdvlo cdcm tattoji, bulu luto, “Ru:tumbv cdcmpc imomangka:langka!”

GALATIANG KVDVNG 5:4

Nolum Kristokolokkc ibi-sa:bitung, nolu sc:kobulum lujvglurodokki dormokannc cmna lutoji, nolu aya:dokkc gvpakkang.

PILIPIANG KVDVNG 2:15

Jc nolu lugcng kama:pc iycpc odokkc imurkama:pc iycpc, Ru:ncpvnckc ommangkvdv:dc koiyyang kama:pc lukcrcp agomlunc odokkc gvmurra gvnc opvnkvdv:dok ara:lo saki:pc dordo, turnamsok agomdcm kvnggv:pc gagla du:la,

HIBRIUKVDVNG 10:32

Cmpige:la po:pckc longckvdv:dcm mc:pa:toka cdvlo, nolum pvang kinnamcm kinmo:ge:la, nolu torncrung momvnsunamcm du:g kvdv:dcm gvla mentumsuto,

2 PITOR 3:17

Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,

LUNGOR LUNAM 1:20

Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.

LUNGOR LUNAM 16:9

tani:kvdv:dcm kvnggv:pc amnamki ugbomdungai, odokkc bulu Ru:ncpvnckc amindcm pelvgto sc:kokc cdc ipusire:dok joar kinamramnamdok tayc:do ilanggvlangc dungai, odokkc bulu asinc mc:dvrra mc:latsutokumang odokkc Bvm amincm gvmotomang.

LUNGOR LUNAM 2:16

Cdcmpc ima:mvlo, ngo nokkolo:pc mcna:pc gvyc odokkc buluk birudi:pc ngok nappa:sok matsvgkokki mimagcm moyc.

LUNGOR LUNAM 2:19

Ngo kindag nok agerkvdv:dcm, nok aipc mc:namdc odokkc mc:jvgdcm odokkc ager gernamcm odokkc mcyinsula mentumsula du:namdcm, odokkc jc nok lcdukcdc ipongarnamdcm aiya:dag.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

LUNGOR LUNAM 3:19

Cdc sc:kobulum ngo aipc mc:dagnc, ngo mogvtmomatdo odokkc dcmdo; cdcmpidag kvnggv:pc mcnga:la gertoka odokkc asinc mc:dvrra mc:latsutokuka.