LUNGOR LUNAM 2:3 - ANU LUGOD N. T. (BSI)

³ ngo kindag no aso:pc dunggcla odokkc ngok amin lcgangc asinc mcnga:tvla du:namdcm mentumsula dung, odokkc no gerdvr-gersongmang.

LUNGOR LUNAM 2:3 ပူးပေါင်းရင်းမြစ်များ

MARKKC 15:21

Odokkc bulu lambclok gvpatnc tani: ako, Sirene dok Simonmc do:lu:dokkc gvddom, Alekjandarkclang Rupuskc abudcm, Kurusdcm jo:dopc lujcmlvgto,

LU:KKC 14:27

Sc:kobvi avkc kuruscm jongge:la ngok lcdu lcdulo gvmvnma:ycnc bv ngok agom tadjvgla gvmvnnc tani:pc ila:ma:yc.

LU:KKC 18:1

Odokkc Bv bulum kvkanbinam do:yvngko kvbito, bulujen lo:dvscm kumdopc odokkc asinc adji:pc mc:suma:ycpc cmna.

LU:KKC 21:19

Noluk sagtumsula du:namdokki noluk turnamkvdv:dcm pa:ycpc.

LU:KKC 5:5

Odo Simonbv luto, “Ru:tuma ngolu yumc yumbu:do crto odokkc apirkosin pa:tomang! Ckvdaggom nok agomki ngo csabscm cryi:lvgyc.”

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

ROMANKVDVNG 16:12

Tripaena:mc odokkc Triposa:mc. Aipc mc:nam Persismc kumtadsubilang, sc:kobv Ru:tumkcpc kvnggv:pc torpc agercm gerkaji.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

ROMANKVDVNG 8:25

Cmpige:la ngolu okodcm ka:begma:ji cdcm mc:tinmvlo, ngolu cdcm mentumsula toya:la du:do.

1 KORINTIANG KVDVNG 13:7

Aipc mc:namdc appvng attarcm torvgsudag, appvngcm mc:jvgdag, appvngcm toka:dag, appvngcm menrasudag.

1 KORINTIANG KVDVNG 16:16

ngo nolum luyirdung cdcmpinc tani:kvdv:dok lukampc gvlang odokkc appvng ager gerjoncm odokkc du:gsila ager gerncm.

2 KORINTIANGKVDVNG 10:15

Ngolu lutcr kama:pc bottcpc lusumang, angu amilok ager gernamlo; cmpige:la ngoluk mc:tindc scmpc jc noluk mc:jvgdc mc:jvgbarycpc, ngoluk ager gerkodc noluk ara:do kvnggv:pc bottala gvycpc cmna,

2 KORINTIANGKVDVNG 11:23

Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.

2 KORINTIANGKVDVNG 4:1

Cdcmpidag, Ru:ncpvnck ayangki sc agerscm gerdom, ngolu asinc adji:ma:yc.

2 KORINTIANGKVDVNG 4:16

Cdcmpidag nolu asinc adji:pc mc:mang. Ngolu adin-amvr inasa:namc yogpagla gvbomdaggom, ngoluk arangkc inam sa:namdc longgcm longgcm anumola gvdung.

2 KORINTIANGKVDVNG 5:9

Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

2 KORINTIANGKVDVNG 6:5

Ipusire: pa:namlo, torpc ager gernam kvdv:lo, dungko-ycko kama:pc ipusire: pa:dom, dcmdokvdv:dcm, makana:lo tumla lc:dom, uru:sare:dowcm, kvnggv:pc mcnggapla ager gerdom, toya:la darra du:dom, doma:pc menna du:dom.

GALATIANG KVDVNG 6:2

Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.

GALATIANG KVDVNG 6:9

Odokkc kajc ngolu ainc agercm gerla du:tvla gerdvryoka, Kapila:nc gaddvlo ngolu gadycku, ngolu jodi asincm mclvgma:mvlo.

PILIPIANG KVDVNG 2:16

Odomvlo jen Kristokc longcdo ngo cmmumpc du:g gvtomang cdcmanggom cmmumpc agercm gertomang.

PILIPIANG KVDVNG 4:3

Odokkc ngo nolumsin taudung, aropakpc jungoli:ajonc, sc nc:ngkvdv:scm gerdum-gerrumsudung, kapcnc bulu kekonkesakpc agercm gerto tadponc lutaddcm lckopc luddom Klementkokki odokkc ngok ake ager gerjon ajonkvdv:dokki, sc:k aminkvdv:dc turnam potindo du:ji.

KOLOSIANG 1:11

Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki,

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

1 TISSALONIANG 5:12

Cmpige:la ngolu kumna:sola: ludung nolum, bvrokvdvnga, cdc noluk ara:lo ager gernckvdv:dcm mcnggcdopc odokkc nolum Ru:tumkolo noluk tayc:lo odokkc luyirgvyirdagji,

2 TISSALONIANG 3:13

Bvrokvdvnga, ainc ager gerla gerngangapeksuyoka.

2 TISSALONIANG 3:5

Ru:tumbv noluk asinkvdv:dcm Ru:cpvnckc aipc mc:namdo:pc lukanlvglangka odokkc Kristokc du:tvdagtvnamdo:pc.

2 TISSALONIANG 3:8

ngolu lo:si lo:bagmangai, ngolu sc:kok pitangcmsin rcma:pc dobimangai, cmpige:la kvnggv:pc mc:dapla gerla odokkc ila:-sa:la ngolu yummcmna longgcm gerto, odojc ngolu nolum sc:komsin bvjcmpcnnampc ipcma:dopc.

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

1 TIMOTI: 5:17

Abv:nc aipc sc:kobulu ka:svmosvncji mcnggcnammcm anyikopc pa:motoka, anggoscscmpc cdc sc:kobv pogo:bikolo odokkc lutadgo:bikolo agerpc gerdoji;

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

HIBRIUKVDVNG 13:13

Cdcmpidag kajc ngolu Bvkkolo:pc dungkumsula dungkodokkc moro:pc gvlenkai, odokkc Bvk ipusire:namdcm menrasunamdcm menrasulai.

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

2 PITOR 1:6

odokkc ainc ager gernamko kinnamki, odokkc kinnamdcm avyc mentumsunamki, odokki avyc mentumsunamdcm lo:dv longkvpc du:tvdagtvnamdcm dormokanamdokki,

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.