LUNGOR LUNAM 2:23 - ANU LUGOD N. T. (BSI)

²³ Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

LUNGOR LUNAM 2:23 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

LU:KKC 16:15

Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

JO:N 21:17

Bv lckoda lcumnapc tawuto, “Simona, Jo:nkc aowa, no ngom aipc mc:dagyc?” Pitorbv mc:nyv:la mcngkang lcga:dc bvm “No ngom aipc mc:dang?” cmna lcwumkopc tawula:yam. Odokkc bv Bvm luto, “Ru:tuma, no appvngcm kindag; no kindag jc ngo nom aipc mc:dag.” Jisubv bvm luto, “Ngok bera sobenkvdv:dcm kanggabla dogo:molangka.

JO:N 4:16

Jisubv bvm luto, “Gvkangkuk, nok milbo:dcm gogta:kuk, odokkc so:pc gvlangkuk.”

AGER KVDVNG 1:24

Odokkc bulu kumge:la luto, “Ru:tuma, sc:kono tani: appv:lok asincm kinabdagji,

ROMANKVDVNG 14:12

Cdcmpidag ngolukkolok appvngc av avkc inamgvnamlok kvnamcm Ru:ncpvncmc kvbipa:ycku.

ROMANKVDVNG 8:27

Odokkc sc:kobv tani:kvdv:dok asinkvdv:dcm madagji Yalodok mc:namdcm kindag, kapila:nc mc:jvgla kumnc tani:kvdv:dok lcga:pc Yalodc Ru:ncpvnckc asin mcngkamdcmpc kumbidag.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

GALATIANG KVDVNG 6:5

Kapcnc appvng tani:yc bvkkc bvkkc jo:namcm jo:supa:yc.

HIBRIUKVDVNG 4:13

Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.

1 PITOR 1:17

Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.

LUNGOR LUNAM 2:11

Sc:kokc yerungc du:ji, bvm tadmotoka okodcm Yalodc mondoli:dcm ludagji. Sc:kobv mopvdoji lckon sinamdokki sikuma:yc.

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.

LUNGOR LUNAM 20:13

Odokkc siycngdc sinckvdv:dcm odok ara:do topakletto, Sinamclang Uiamongc buluk ara:do sinckvdv:dcm topakletto, odokkc okodcm bulu itoji appv:dcm kcbangcm ba:to.

LUNGOR LUNAM 22:12

“Ka:toka, ngok palvgcm lvgkakupc, gvdokubong, okodcmci ikaji appvngcm bikakupc.

LUNGOR LUNAM 6:8

Odokkc ngo ka:begto, odokkc ka:toka, i:kama:ncmpinc gure: adorko ka:begto, odokkc odok sa:ncdok amindcm Sinam cmtungai, odokkc Uiamo:dc bvk lcdulo gvmvnkang; odokkc bulum mo:pvsok appi:lok inyopko, matsvgki pakedopc bitungai, odokkc dopa:-tv:pa:ma:namcm a:tc:dopc odokkc kvnggv:pc mo:pvso simvndokki simonc kinamcm a:moyc.