LUNGOR LUNAM 2:2 - ANU LUGOD N. T. (BSI)

² Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

LUNGOR LUNAM 2:2 ပူးပေါင်းရင်းမြစ်များ

METIU 7:23

Odo bulum ngo appvng kindopc lutadla lubiyc, “Ngo cdvlosin nolum kinmangai; ngokkolokkc gc:ramkang, nolu aisi:ma:nc ager gernckvdvnga.”

JO:N 6:6

Cdcm Bv bvm anka:la ka:pc cmna luto, kapila:nc Bv okkom iycji avdci kindagai.

GALATIANG KVDVNG 1:7

angu tadponc lutadkojc dung cdcmang, cmpige:la akke dung sc:kobulu nolu moki:moatdu:nc odokkc Kristokc tadponc lutaddcm aima:pc imolv:dag.

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

1 TISSALONIANG 5:21

okodc aidagji kvnggv:pc gagla du:lang,

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

LUNGOR LUNAM 2:5

Mc:pa:langka cdcmpinamc no okolokkc kcdledka:ji, asinc mc:dvrra mc:latsutokuka odokkc agerdcm nok gerangarpo:la gernamdcm gertoka. Germa:mvlo, ngo nokkolo:pc gvyc odokkc nok saki: tvgcnancdcm odok tvkodokkc la:pakyc, no asinc mc:dvrra mc:latsukuma:mvlo.

LUNGOR LUNAM 2:6

Ckvdaggom sc nolukkc dung, no Nikolaitangkc ager kvdv:dc tayumdag, okodcm ngo:sin tayumdagji.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

LUNGOR LUNAM 3:1

“Odokkc Sardi:dok mondoli:dok taycng among lutad luncdo:pc attoka: “Bvk agomkvdv:dcm sckkc Ru:ncpvnckc Yalo kvnvddc du:ji odokkc kvnvd takarc du:ji. Ngo kindag nok agerkvdv:dcm; nokkc turra dung cmnam amindc dung, odokkc no sinnc.

LUNGOR LUNAM 3:15

“Ngo kindag nok agerkvdv:dcm: no ansv:sinmang gusinmang. No ansv:ma:pc cdcmanggom guma:pc du:ycnci!

LUNGOR LUNAM 3:8

“Ngo nok agerkvdv:dcm kindag. Ka:toka, ngo nok kcra:lo yabgoko moge:la lc:bitag, okodcm sc:kosin mokapla:ma:ji; ngo kindag jc nokkc cmpige:la adjio:ko ilang gvlangc dung, odokkc ckvdaggom no ngok agomcm gagla du:to odokkc ngok amincm lupaksutomang.