LUNGOR LUNAM 2:10 - ANU LUGOD N. T. (BSI)

¹⁰ No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 2:10 ပူးပေါင်းရင်းမြစ်များ

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

MARKKC 13:13

Odokkc nolum appvngc tayumyc ngok lcgangc. Ckvdaggom sc:kobvi mentumsula du:ycnc bv turyc.

IPESIANG KVDVNG 6:12

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

METIU 24:13

Ckvdaggom sc:kobv du:tcrdungapdo:pc sijcmna du:ycnc bv turycpc.

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

1 KORINTIANG KVDVNG 9:25

Cdcmpidag dugtoka no:jen cdcm pa:ycpc. Appvng moduduka:mvnsunc mentumsula du:namcm appvng agerlo idag. Bulu cdcm omvgpcnc dogsori: abvlcgang idag, cmpige:la ngolu omvgpcma:nc abv lcgangc ido.

METIU 10:28

Odokkc sc:kobulu amvrcm mokedagnc ckvdaggom tani:lok yalodcm mokela:ma:nc bulum pcsoyok; cdcmyam bvm pcsotok sc:kobv amvrdcmlang yalo anyipakdcm uiamo:bo moke-moyela:dakkunc.

LUNGOR LUNAM 13:7

Aipc kumnc tani:kvdv:dcmsin mimag modopc odokkc bulum momvnsumoto. Odokkc appvng opvncm odokkc tani:kvdv:dcm odokkc agom lunckvdv:dcm odokkc ope:kvdv:dcm lulvg lulang ilang gvlangcm bitungai,

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

JO:N 13:2

Odokkc dodo tv:dodcm Simonkc awo Iskaroitkc asindo cdvlo uidc Bvm mirupc topakpc cmna, asindo angka:ji,

JO:N 12:25

Sc:kobv avkc turnamcm mc:bodagnc cdcm yogmodag, odokkc sc:kobv bvk turnamcm tayumycnc sc rcngamso turyarla turnam dokkcpc cdcm lc:dag.

LU:KKC 21:12

Ckvdaggom sc appv:sok po:pc bulu nolum alagcm pigabla nolum irvsinyyom ingapyc, nolum kumko okumkvdv:do togcngamlvgla odokkc makanang kvdv:do, odokkc nolum migomkvdv:dok kangkolo soangbomyc odokkc amo:ru:tum kvdv:dok kcra:lo ngok amin lcgangc.

MARKKC 8:35

Kapila:nc sc:kobvi bvk turnamcm pa:la dung cmna mc:ycnc bv cdcm yogmoyc; odokkc sc:kobvi bvk turnamcm ngok lcga:pc tolvgycnc odokkc tadponc lutaddok lcga:pc mclvgycnc cdcm moturyc.

LUNGOR LUNAM 13:2

Odokkc cdc simvndc ngok ka:namdc Nangorputuki: takar adorkoncmpc idagai, odok alckvdv:dc situm adorkonclokkcmpc idagai, odokkc odok nappa:dc inggolok nappangcmpc idagai. Odokkc cdcm cdc alapkanc tabvdc bvk ilang gvla:dcm bito odokkc bvk migom dungkodcm odokkc bottcru:pc migom ilang-gvlangcm.

AGER KVDVNG 21:13

Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

JO:N 13:27

Odok atakdok lcdupc, Satan uidc bvkkolo angkang. Jisubv bvm luto, “Okkom no ipcmna idu:ji, lomdanna ita:ka.”

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”