LUNGOR LUNAM 18:3 - ANU LUGOD N. T. (BSI)

³ kapcnc appvng opvnc bvk narc:ma:nc mc:boka:bodok apo:dcm tvngvrsuto, odokkc mo:pvsok migomkvdv:dc bvkkokki miyc:pc la:mvnsuto, odokkc mo:pvsok mircmrcmbatsunc kvdv:dc bvk anying kamangki mircmna gvkang mircm rcmnam attarki.”

LUNGOR LUNAM 18:3 ပူးပေါင်းရင်းမြစ်များ

LUNGOR LUNAM 17:2

sckkokki mo:pvsok migomkvdv:dc amikc nc:ngcm la:bitoji; odokkc sckokc aminc:ng la:bincm apongki cdc mo:pvsok du:ncdagnc kvdv:dc tvngvrsuka:ji.”

LUNGOR LUNAM 14:8

Taycng among lutad lunc akoda scmpc lula, anyincdc lenmvnkang, “Oledncdc, Oledncdc Babilondc cdc bottcru:ncdc, bv sc:kobv appvng opvncm bvk narc:ma:nc mc:bo-ka:bonamdokkcm apo:dcm tv:moncdc.”

LUNGOR LUNAM 18:9

Odokkc mo:pvsok migomkvdv:dc, sc:kobulu amikc miycng la:namcm la:tonc odokkc bvkkokki anyingkama:nc agercm gertoji, kabycku odokkc v:tombanki:la bvkkolo kabycku cdvlo bulu bvm romnamdok mikkidcm ka:begyckuji;

LUNGOR LUNAM 18:23

odokkc saki:lok ruadko nokkolo cdvlosin ka:begma:yckubong; odokkc magbodoklang yamncdok gomukko nokkc cdvlosin tadbegkuma:bong, kapcnc nok mircm rcmnckvdv:dc mo:pvsok bottcru:nc tani:yai, odokkc appvng opvnkvdv:dc nok moyadla morunamki yadmoto.

LU:KKC 7:25

Rcmagu:pc attar gcncbomnc tani:koyc? Ka:toka, sc:kobulu v:rpongkvrpc attarcm gcdagbomdagnc odokkc gclvngcnyo gcmanna du:nckvdv:dc migom okumlo du:dag.

1 TIMOTI: 5:11

Cmpige:la ame:nc nc:ngkvdv:dcm amincm adgabyok; kapcnc cdvlo bulu Kristokc birudi:pc mc:ma:ycnc bulu midangcm molv:dag,

LUNGOR LUNAM 18:7

Bv kapc avdc amincm gvsumotonc odokkc miyc:pc igo:tonc, cdcmpila bvm turpc turpc joar kinam a:namcmpc a:moto odokkc mc:dvrra kabmoyc. Bvk asindo lula:yam: ‘Ngo Migom nc:ngkopc tedla:yam! Ngo tumbonc:mang, asinc mc:dvrra kabnamcm ngo cdvlosin ka:begma:yc!’

LUNGOR LUNAM 18:19

Odokkc buluk tukkukvdv:do suli: amongcm pidrumsuto, kapc bulu kaptoji odokkc mc:dvrra mc:toji jc:la kabsa:la, “Yowc: yowcv, kapcnc cdc bottcru:nc nogordc okolo sc:kobulu appvngc siycng ollungc dungaji siycngdo bvk murkong attarki mircmkang! Gonta ayir akko:lo bvm cmmumpc ipakmoto.