LUNGOR LUNAM 17:5 - ANU LUGOD N. T. (BSI)

⁵ odokkc bvk tuptado mcngapla:ma:nam aminko adtungai: “Bottcru:nc Babilon, ammem nc:pc langkosunc ancdc odokkc mo:pvsok narc:ma:ncdc.”

LUNGOR LUNAM 17:5 ပူးပေါင်းရင်းမြစ်များ

LUNGOR LUNAM 14:8

Taycng among lutad lunc akoda scmpc lula, anyincdc lenmvnkang, “Oledncdc, Oledncdc Babilondc cdc bottcru:ncdc, bv sc:kobv appvng opvncm bvk narc:ma:nc mc:bo-ka:bonamdokkcm apo:dcm tv:moncdc.”

LUNGOR LUNAM 18:2

Odokkc bv kvnggv:pc tornc gomugkki jc:la luto, “Openncdc, openncdc bottcnc Babilondc! Cdc uikvdv:dok dungkopc ikang, appvng tayumpcnam yalolok uidungko, appvng tayumpcnam odokkc tayumc bi:nc pctta:lok dungko;

LUNGOR LUNAM 17:7

Cdvlo ngo bvm kvnggv:pc mc:la mcngapla:ma:pc idopc ka:to. Cmpige:la cdc taycng among lutad luncdc ngom luto, “Kapila mc:la mcngapla:ma:pc idu:n?” Ngo nom nc:dok mc:la arangkc kinpcnamdcm lubiso, odokkc simvndokkcm kvnvdko mittuk kancdcm odokkc a:rcng so:yvngko cdc bv gcbomnamdcm.

LUNGOR LUNAM 19:2

kapcnc Bvk kcba:-ba:namdc arodag odokkc arro; Bv bottcru:nc ami-miyc:pc igo:ncdcm kcbangcm ba:to sc:kobv mo:pvscm aima:nc agercm bvk ami-miyc:pc inamki germotoji, odokkc bv bvk ager gernam kvdv:dok i:dokkcm bvk palvgcm lvgto.”

LUNGOR LUNAM 16:19

Cdc bottcru:nc nogordc bawumkopc dc:pit-dc:ritsukang, odokkc opvnkvdv:dok nogorkvdv:dc openamkang, odokkc Ru:ncpvncbv bottcru:nc Babilondcm mc:pa:to, bvm Bvk aglvng sa:nam bati:dcm pvjinmopc cmna.

2 TISSALONIANG 2:7

Kapila:nc mcngapla:ma:pc lujvg luro kama:namdc agercm gerdungcibong; sc:kobv su:pak cdcm motumdagnc cdc cdcmpc iyc bv lambcdokkc gc:rma:sisscm.

LUNGOR LUNAM 18:21

Odo kvnggv:pc ila:-sa:lanc taycng among lutad lunckonc vlvng apvko la:sa:to bottcru:nc mail dvnggot vlvngcmpincko odokkc cdcm siycngdo, scmpc lula crjv:lvgto, “cdcmv:pc bottcru:nc Babilon nogordcm momvnsula, odokkc cdvlosin pangkuma:yc;

LUNGOR LUNAM 11:8

odokkc buluk simangkvdv:dc cdc bottcru:nc nogordok lambcdc kcdla du:yc okodcm luyv:sula lupc Sodom cmna odokkc Igip cmna ludagai, okolo buluk Ru:tumdcm kuruslo pvtketoji.

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

LUNGOR LUNAM 7:3

“Mo:pvscm cdcmanggom siycngcm cdcmanggom vsvngkvdv:dcm momvgyoka, ngolu ngoluk Ru:ncpvnckc ager gerya:ncdcm buluk mittukvdv:do tubjedcm tublvgma:sisscm.”

LUNGOR LUNAM 1:20

Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.

LUNGOR LUNAM 17:1

Odo kvnvd taycng among lutad lunckvdv:dok akonc sc:kokc kvnvdkopc soriangc dunganc gva:do odokkc ngom luto, “Kajc gvtoka, ngo nom bottcru:nc ami miyc:pc igo:nc nc:dcm kcbang ba:namdcm lcngkanyc sc:kobv bojcrung asi talc:lo teddagji,

LUNGOR LUNAM 17:2

sckkokki mo:pvsok migomkvdv:dc amikc nc:ngcm la:bitoji; odokkc sckokc aminc:ng la:bincm apongki cdc mo:pvsok du:ncdagnc kvdv:dc tvngvrsuka:ji.”