LUNGOR LUNAM 14:14 - ANU LUGOD N. T. (BSI)

¹⁴ Odo ngo nge:sa:la ka:to odokkc ka:toka, kamponc mukkang atakko, odokkc mukka:do tani:kc awodcmpinc ako tedtu:dopc ka:to, Bvk mittukdo avn migom dumlupko gcla, odokkc kvnggv:pc radnc kasiko Bvk alagdo bomdag.

LUNGOR LUNAM 14:14 ပူးပေါင်းရင်းမြစ်များ

METIU 13:30

Anyipakdcm sa:po:motok lckopc a:m gaddvdo:pc; odokkc a:m gaddo ayirdo ngo a:m gannckvdv:dcm luyc, v:ngkvdv:dcm gadkumsupo:tok gada:danna odokkc cdcmbulum rompakpc jv:rvg jv:rvgpc rvgkumsutok, cmpige:la Gewua:mkvdv:dcm ngok kumsu:pc jonga:tok.’ ”

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

MARKKC 4:29

Cmpige:la cdvlo a:yc appv:dc minycnc, lomdanna bv gadnanc kasscm bomna gaddag, kapila:nc a:m gaddv angka:bong.”

LU:KKC 21:27

Odokkc odo Tani:kc awodcm mukkang atakkolo ilanggvlang tornamki odokkc bottcru:nc amin gvnamki gvidokupc ka:begycku.

HIBRIUKVDVNG 2:9

Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.

LUNGOR LUNAM 1:13

odokkc cdc saki: tvgcngkvdv:dok ara:do tani:lok awokoncmpc, arainc rvbvko gcnckonc odokkc avn tongali: bvk angkc:dcm jinrcgsunckonc;

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

LUNGOR LUNAM 10:1

Odo ngo taycngtokkc dc:yi:nc kvnggv:pc ilang gvla:nc taycng among lutad lunc akonkoda ka:begto, mukkangkolo yedlubnamko, bvk mittukdo lc:bangko sa:ncko, odokkc bvk nappa:dc do:nyitcmpc idagai, odokkc bvk alckvdv:dc vmv kuntcmpc idag.

LUNGOR LUNAM 11:17

Ngolu nom aipai bido, “Ru:tum Ru:ncpvnna Appvngcm ilang gvla:na, sc:kobv du:ji odokkc sc:kobv dungaji, jc no bottcru:nc nok ilang-gvlangcm la:to odokkc migom dorobbomkang.

LUNGOR LUNAM 19:12

Bvk amikvdv:dc vmvlok dorncmpc idag, odokkc bvk mittukdc:bulu bojcrung dumlubc; odokkc bvkkc aminko arrvgnamko dung okodcm bv:ma:mvlo sc:kosin kinma:ji.

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.

LUNGOR LUNAM 6:2

Odokkc ngo ka:to, odokkc ka:toka, kamponc gure: adorko, odokkc odok sa:la dungncdokkc i:-cpukko dung; odokkc Bvm migom dumlupko bito, odokkc bv mopvkapc mopv mopvla gvlenkang.