LUNGOR LUNAM 13:7 - ANU LUGOD N. T. (BSI)

⁷ Aipc kumnc tani:kvdv:dcmsin mimag modopc odokkc bulum momvnsumoto. Odokkc appvng opvncm odokkc tani:kvdv:dcm odokkc agom lunckvdv:dcm odokkc ope:kvdv:dcm lulvg lulang ilang gvlangcm bitungai,

LUNGOR LUNAM 13:7 ပူးပေါင်းရင်းမြစ်များ

LUNGOR LUNAM 11:7

Odokkc cdvlo buluk lukanbinamcm lungaptoji, simvndc cdc du:tcrkama:pc o:rv:nc jiko:dokkc lenncdc bulum mimagcm moyc odokkc bulum mopvto odokkc bulum moketo,

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 17:15

Odokkc Bv ngom luto, “Cdc asikvdv:dcm no ka:tojc, okolo cdc ammem miyc:pc langkosunc nc:dc teddagnc, cdcbulu bojcrungko yadkosunc tani:kvdvngc odokkc opvnkvdvngc odokkc agom lunncbulu.

LUNGOR LUNAM 11:18

Opvnkvdv:dc aglvngc sangkang, cmpige:la nok palvg lvgnam aglvngc pvngangkang odokkc sinckvdv:dcm kcbang bangkunam ayirdc, nok ager gerya:nckvdv:dcmbulum aman bikupc cmna, lungor lunckvdv:dcm odokkc aipc kumnc tani:kvdv:dcm Odokkc cdc sc:kobulu nok amincm pcsodagji, anyipagcm bottcnclang adji:ncm, Odokkc mo:pvsok momvg mosvgnc kvdv:dcm momvg-mosvgkupc.”

JO:N 19:11

Jisubv Bvm lubito, “Taycng amo:tokkc bimangamvlo nokkc ngokkolo oko ilang gvlangcsin kama:ya:pc; cdcmpidag sc:kobv ngom nokkolo tolvgtonc bvkkc bottaya:nc pa:bc dungkang.”

LUNGOR LUNAM 10:11

Odokkc ngo luto, “No bojcrung tani:ycm odokkc opvnkvdv:dok agomcm odokkc agom lunam odokkc migom kvdvng agomcm lungorcm lubipa:yc.”

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

LU:KKC 4:6

odokkc uidc Bvm luto, “Nom ngo sc appv:sok ilang-gvlangcm odokkc odokbuluk mc:bomsunamdcmci biyc, kapila:nc cdcm ngom bitung, odokkc ngo cdcm sc:kom bilv:dagnc biyc.