LUNGOR LUNAM 12:3 - ANU LUGOD N. T. (BSI)

³ Odokkc akonkoda dungko-ycko kama:pc inamko taycngto lenkang; ka:toka, bottapaknc lv:nc alapkanc tabvko, mittuk kvnvdkolang a:rcng so:yvngko, odokkc bvk tukkudo kvnvdko migom dumlubc dung.

LUNGOR LUNAM 12:3 ပူးပေါင်းရင်းမြစ်များ

LUNGOR LUNAM 17:12

“Odokkc cdc a:rcng so:yv:dc sc:kobulu migom ilang-gvlangcm pa:mangadaji, cmpige:la bulu simvndokki lckopc ilang gvlangcm migomcmpc ayir gonta ako pa:pcnammc.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 17:16

Odokkc cdc a:rcng so:yvngkvdv:dcm no:jc ka:tonc, bulu odokkc cdc simvndc cdc ammem miyc:pc langkosuncdcm tayumyc; bulu bvm akudali:moyc odokkc pvtsumoyc, odokkc bvk adinamvrdcm momvg-mosvgto odokkc bvm vmvki rompakto,

LUNGOR LUNAM 17:7

Cdvlo ngo bvm kvnggv:pc mc:la mcngapla:ma:pc idopc ka:to. Cmpige:la cdc taycng among lutad luncdc ngom luto, “Kapila mc:la mcngapla:ma:pc idu:n?” Ngo nom nc:dok mc:la arangkc kinpcnamdcm lubiso, odokkc simvndokkcm kvnvdko mittuk kancdcm odokkc a:rcng so:yvngko cdc bv gcbomnamdcm.

LUNGOR LUNAM 20:2

Odokkc bv alap kanc tabvdcm ycnggabto, cdc leketo:dvkc tabvdcm, okodc Uidc:ji odokkc Satandc, odokkc bvm lv:ying dv:takkopc ycnggabla lc:to, odokkc bvm jiko:do cryi:lvgto,

LUNGOR LUNAM 12:4

Bvk tamedc taycngtok takarkvdv:dok intak awumko pcdpakto, odokkc cdcmbulum mo:pvso:pc crpagamletto. Odokkc cdc alap kanc tabvdc cdc nc:dok kcra:do dagkang sc:kobv kowako pa:pc cmna idungaji, jc bv:jen bvk ko:dcm metpakycpc cdvlo bv cdcm boma:ycji;

LUNGOR LUNAM 12:1

Odokkc cmpcsin dungko ycko kama:pc inamdc lenkang, do:nyitokki attar gcnc nc:ngtani:konc, po:lodokki bvk alc kcvgbo, odokkc bvk tukkudo takar piryingkolang pirnyi kanc migom dumlupko;

LUNGOR LUNAM 16:13

Odokkc ngo ka:to, alap kanc tabvdok nappa:dokkc odokkc simvndok nappa:dokkc odokkc lume:pc lungor luncdok nappa:dokkc lennamcm, anying kama:pc yalo awumko tatvgkvdv:dcmpc innc;

LUNGOR LUNAM 19:12

Bvk amikvdv:dc vmvlok dorncmpc idag, odokkc bvk mittukdc:bulu bojcrung dumlubc; odokkc bvkkc aminko arrvgnamko dung okodcm bv:ma:mvlo sc:kosin kinma:ji.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 12:7

Cdcmpidodcm mimagc taycngto parobbomkang, Mikailbv:lang bvk taycng among lutad lunckvdv:dc alap kanc tabvdokki birudi:pc; odokkc cdc alap kanc tabvdc:lang bvk taycng among lutad lunckvdv:dc pamvnsuto,

LUNGOR LUNAM 12:13

Odokkc cdvlo cdc alapkanc tabvdc ka:to jc bvm mo:pvso crpakletto, bv nc:ng tani:dcm moki: moatto lcdupc sc:kobv milbong ko:ko pa:toji.

LUNGOR LUNAM 13:1

Odokkc ngo simvn adorko siycngdokkc daropdopc ka:to, a:rcng so:nyiko kancko odokkc mittuk kvnvdko kancko, dumlubc pvyingko odok a:rcng so:yv:do odokkc odok mittukkvdv:do aisi:mang cmna lunamko.

LUNGOR LUNAM 13:2

Odokkc cdc simvndc ngok ka:namdc Nangorputuki: takar adorkoncmpc idagai, odok alckvdv:dc situm adorkonclokkcmpc idagai, odokkc odok nappa:dc inggolok nappangcmpc idagai. Odokkc cdcm cdc alapkanc tabvdc bvk ilang gvla:dcm bito odokkc bvk migom dungkodcm odokkc bottcru:pc migom ilang-gvlangcm.

LUNGOR LUNAM 13:4

Tani:kvdv:dc alap kanc tabvdcm kumto, kapcnc bvk lulvgla:nam ilang gvlangcm cdc simvndo bito, odokkc bulu scmpc lula simvndcm kumto, “Sc:kobv sc simvnscmpcidang, odokkc sc:kobv sok birudi:pc pamvnsudang?”

LUNGOR LUNAM 15:1

Odokkc ngo taycngto aima:nc ipusire: akoda ka:begto, bottcru:ncko odokkc mc:la mcngapla:ma:namko, taycng among lutad lunc kvnvdko kanggu: kanga:ma:nc kvnvdkopc, okodc:bulu du:tcra:ji, kapcnc bulukkol Ru:ncpvnckc aglv:dcm lv:tcryc.