LUNGOR LUNAM 11:3 - ANU LUGOD N. T. (BSI)

³ Odokkc ngok lukanbinc anyidcm lv:yingkolang lvngko anyi odokkc yingkc: longckopc toilang attar gcge:la, lungor lunanc ilang gvlangcm biyc.”

LUNGOR LUNAM 11:3 ပူးပေါင်းရင်းမြစ်များ

LUNGOR LUNAM 12:6

odokkc cdc nc:dc sv:lu:pc dugpakkang, okolo bvk lcgangc Ru:ncpvnckc mosv:nam dungkoko mosv:toji, okolo lv:yingkolang lvngko anyi dv:takkolang odokkc yvngkcng longckopc ka:sv:mosv:la du:ycji.

LUNGOR LUNAM 11:2

cmpige:la migom kcbang bangko okum lottadcm kvyoka; cdcm mcpaktoka, kapcnc cdcm opvnkvdv:dcm bipakto, odokkc bulu yv:pi:kolang anyi po:lokopc bulu angunnc nogordok taycdo samjcmla gvyc.

LUNGOR LUNAM 13:5

Odokkc cdc simvndc bottcpc mansula Ru:ncpvncmc lugc gvcnam agomkvdv:dcm lula:lula odokkc cdcm lulvg lulang-gvlangcm ludopc nappangko bitungai yv:pi:kolang tagnyi dv:takko mclvgtungai.

AGER KVDVNG 13:31

odokkc bojcrung longcko cdc sc:kobulu Bvk lcdulo Galildokkc Jerusalempc gvkaji lcngkansukaku, sc:kobulu su:pak tani:kvdv:dcm lupakbidu:ji.

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

LU:KKC 24:48

Nolu sc appv:sok lukanbiya:nc.

2 KORINTIANGKVDVNG 13:1

Sc ngokkcpc lcwumkopc iycbong ngo nolukkolo:pc gvnamdc. Atv lujcmcm lunamcm anyikoma:m awumkokki ka:nckokki arro cmna lukanpa:yc.

AGER KVDVNG 2:32

Cdc Jisumc Ru:ncpvncbv turmotoku, odokkc odokkcpc ngolu appvngc lukan lubinc.

JO:N 15:27

odokkc nolusin lukanbinckvdvngc, kapila:nc nolusin ngok lcdulo lena:dokkc du:mvndung.

METIU 18:16

Cmpige:la bv nok agom tadma:mvlo, nok lcdulo akomanggom anyiko gvbolang, cdc agom appv:dc arro cmna lenycpc anyikomanggom awum tadkolo appvng lude:sumvlo.

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

AGER KVDVNG 3:15

odokkc turnamsok gagbomncdcmc: moketo, sc:kom Ru:ncpvncbv sikolokkcm turmotokuji. Ngolu odok lukanbinckvdvngc.

LUNGOR LUNAM 20:4

Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

1 KORINTIANG KVDVNG 12:28

Odokkc Ru:ncpvncbv Kristokc mondoli:do mclvgla ager germonamkvdv:dcm bia:danna bitung, lckondo lungor lunckvdv:dcm, lcumdo poyirnckvdv:dcm, odokkc mcngapla:ma:nam ager gernckvdv:dcm, odokkc csa:mokunckvdv:dcm, ager gerdumsunc-kvdv:dcm, migom donc kvdv:dcm, angu angupc agom lunckvdv:dcm.

JO:N 3:27

Jo:nbv lubito, “Sc:kobv:sin taycng amo:tokkc bima:mvlo okkomsin pa:ma:yc.

METIU 11:21

“Nolukkc mc:dvrpcnamc, Korajinkvdvnga! Nolukkc mc:dvrpcnamc, Betsaidanga! Kapila:nc nolukkolo bottaru:pc gernam agerkvdv:dcm Ti:rc odokkc Sidondo gerya:mvlo, bulu bojcrungko po:pcbong asinc mc:dvrra mcngkutsuyyangkupc toilang gaincm gcge:la odokkc mcdbulo dungge:la.

LU:KKC 10:13

“Nolu:kkcpc mc:dvrpcnamc, Korajina! Nolu:kkcpc mc:dvrpcnamc, Betsaidanga! Kapila:nc nolukkolo bottcru:pc gernam agerkvdv:dcm Ti:rdo:lang Sidondo gerya:mvlo, cdvlaibong bulu asinc mc:dvrra mc:latsuiyangkupc, aima:nc gain attarcm gcge:la odokkc mcdbulo tedla du:la.

LUNGOR LUNAM 11:6

Bulukkc do:mvrtcm mokapnannc ilang gvlangc dung, jc buluk lungor ludo longckvdv:do oko pcdongcsin oma:yc, odokkc bulukkc asscmsin i:pc badmola:nc, odokkc mo:pvscm appvng joar kinamki mole:dopc, bulu kapc cddvko mc:dagaji.