LUNGOR LUNAM 11:18 - ANU LUGOD N. T. (BSI)

¹⁸ Opvnkvdv:dc aglvngc sangkang, cmpige:la nok palvg lvgnam aglvngc pvngangkang odokkc sinckvdv:dcm kcbang bangkunam ayirdc, nok ager gerya:nckvdv:dcmbulum aman bikupc cmna, lungor lunckvdv:dcm odokkc aipc kumnc tani:kvdv:dcm Odokkc cdc sc:kobulu nok amincm pcsodagji, anyipagcm bottcnclang adji:ncm, Odokkc mo:pvsok momvg mosvgnc kvdv:dcm momvg-mosvgkupc.”

LUNGOR LUNAM 11:18 ပူးပေါင်းရင်းမြစ်များ

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.

LUNGOR LUNAM 19:5

Odokkc migom dungkodokkc scmpc lula, gombugko buglenkang, “Ngoluk Ru:ncpvncmc nolu appvngc Bvk ager gerya:nc kvdvnga, aipai bitoka, nolu sc:kobulu Bvm, adji:nclang bottcnc pcsodagnc.”

LUNGOR LUNAM 13:10

Akonc jodi yc:bomkupcnammc, bv yc:bomkunamlo:pc gvdag, jodi sc:kaiyc madsvgdokki papakdo, madsvgru:dokki bvm papakpcnamc.

LUNGOR LUNAM 22:12

“Ka:toka, ngok palvgcm lvgkakupc, gvdokubong, okodcmci ikaji appvngcm bikakupc.

LUNGOR LUNAM 15:7

Odokkc turnc simvn dorpi:dok adorkonc kvnvd taycng lutaddcm kvnvd avn soriangcmpc bi:nckopc Ru:ncpvnckc aglv:dok bito sc:kobv lo:dv longkvpc odokkc lo:dv amingvkodokkc odo kc longkvpc turra du:dagji;

LUNGOR LUNAM 15:1

Odokkc ngo taycngto aima:nc ipusire: akoda ka:begto, bottcru:ncko odokkc mc:la mcngapla:ma:namko, taycng among lutad lunc kvnvdko kanggu: kanga:ma:nc kvnvdkopc, okodc:bulu du:tcra:ji, kapcnc bulukkol Ru:ncpvnckc aglv:dcm lv:tcryc.

LUNGOR LUNAM 14:10

bv:sin Ru:ncpvnckc palvg lvgnam aglv:dok apo:dcm tv:yc, Bv aglv:dcm Bvk tv:nanc bati:do molusuma:pc to:lvgnamdcm, odokkc bvm vmvdokki romna romke-rommarycku odokkc gojalki cdc angunnc taycng among lutad lunc tani:kvdv:dok kangkolo odokkc Awo Me:r sobendok kcra:lo.

HIBRIUKVDVNG 9:27

Odokkc cdc kapc tani:ycm lcko sidopc ayircm mctagnc, odokkc odok lcdupc kcbangcm ba:donc,

LU:KKC 1:50

Odokkc Bvk ayangc ope:lokkc ope:akonlo:pc du:yc sc:kobulu Bvm pcsodagnc.

METIU 5:12

Mc:polangka odokkc mc:yumsutoka, kapila:nc taycng amo:tc noluk amanc bojcrungko dung. Kapila:nc cdcmv:pc tani:kvdv:dc agom lungorla lunckvdv:dcm ipusire:la ika noluk po:pcbong.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

LUNGOR LUNAM 18:6

Bvm inam-sa:nam appv:dcm bvm ikamgvkamv:pc ito, odokkc bvk ager inam kvdv:dok lcnyikopc ibitoku; bvk lcga:pc lcnyikopc bv mu:namcm bvk tv:nanc bati:do molusuto.

LUNGOR LUNAM 11:2

cmpige:la migom kcbang bangko okum lottadcm kvyoka; cdcm mcpaktoka, kapcnc cdcm opvnkvdv:dcm bipakto, odokkc bulu yv:pi:kolang anyi po:lokopc bulu angunnc nogordok taycdo samjcmla gvyc.

LUNGOR LUNAM 19:15

Bvk nappa:dokkc kvnggv:pc radnc madsvgko lendag okodokki opvnkvdv:dcm papagamycji, odokkc bv bulum yogvr danggi: asongkokki ka:sv:la migom doyc; bv apo:mokodcm dungkinma:pc aglv:la sa:penyc cdc Appvngcm bottcya:nc Ru:ncpvnckc aglv:dokki.

LUNGOR LUNAM 10:7

Cmpige:la tu:lungki mudla gogdo longcdo taycng among lutad lunc kvdv:dokki mullvgla, Ru:ncpvnckc mcngapla:ma:nam agomdc, kapc Bv bvk ager gerya:nckvdv:dcm lutadtoji cdc lungor lunckvdv:dcm, lukamdcmpc ipa:do.

LUNGOR LUNAM 13:16

Cdcmv:pc cdc appv:dcm imodopc adji:nc odokkc bottcnc, mircmnc odokkc opannc anyipagcm, mcngkampc du:nc odokkc pagbopc du:nc, lagbvg alakdo pajogamdopc cdcmanggom tuptadok,

LUNGOR LUNAM 19:18

cdc migomkvdv:dok adinkvdv:dcm dopagampc, gvgurbonc kvdv:dok adin kvdv:dcm, kvnggv:pc ilang gvla:nc tani:kvdv:dok adincm dopc, gure:kvdv:dok adincm odokkc bulum sa:la dugnckvdv:dcm, odokkc appvng tani:lok adinc, mcngkampc odokkc pagbopc du:nc anyipagcm, adji:nc odokkc bottanc anyipagcm!”