LUNGOR LUNAM 10:1 - ANU LUGOD N. T. (BSI)

¹ Odo ngo taycngtokkc dc:yi:nc kvnggv:pc ilang gvla:nc taycng among lutad lunc akonkoda ka:begto, mukkangkolo yedlubnamko, bvk mittukdo lc:bangko sa:ncko, odokkc bvk nappa:dc do:nyitcmpc idagai, odokkc bvk alckvdv:dc vmv kuntcmpc idag.

LUNGOR LUNAM 10:1 ပူးပေါင်းရင်းမြစ်များ

METIU 17:2

Odokkc buluk kangkolo Bvk dumsimigmodc angukang, odokkc Bvk nappa:dc do:nycmpc unjerkang, gcnam-bomnam kvdv:dc pvangcmpc kampokang.

LU:KKC 21:27

Odokkc odo Tani:kc awodcm mukkang atakkolo ilanggvlang tornamki odokkc bottcru:nc amin gvnamki gvidokupc ka:begycku.

AGER KVDVNG 26:13

Longc kvdvsudodcm, O Migom, ngo lambcdo tayc:tokkcm ruadko ka:begto, do:nyitcmyam pva:ya:ncko, ngok dunggo:ycgo:dcm dorrubncko odokkc cdc ngok lcdulo gvmvnnc kvdv:dcmsin.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

LUNGOR LUNAM 18:1

Odok lcdupc ngo taycngtokkc gvinc taycng among lutad lunckoda ka:to, bottcpakpc lulvg lula:namko; odokkc mo:pvscm Bvk unjvg-jvrvgdokki unjermoto.

LUNGOR LUNAM 18:21

Odo kvnggv:pc ila:-sa:lanc taycng among lutad lunckonc vlvng apvko la:sa:to bottcru:nc mail dvnggot vlvngcmpincko odokkc cdcm siycngdo, scmpc lula crjv:lvgto, “cdcmv:pc bottcru:nc Babilon nogordcm momvnsula, odokkc cdvlosin pangkuma:yc;

LUNGOR LUNAM 20:1

Odokkc ngo taycng among lutad luncko taycngtokkc gvidopc ka:to, bvk alagdo oledla otcrkama:nc jiko:dok sabi:kolang bottapaknc ikoli:ko bomncko.

LUNGOR LUNAM 4:3

Odokkc sc:kobv odo tedangka:nc do:nycmpc unnc moni:ycmpc odokkc Sardi:olok moni:ycmc idag, odokkc migom dungkodok dunggo:ycgo:pc lc:bangko sa:la cdc geyomnc vlvng moni:ycmpc ka:dag.

LUNGOR LUNAM 5:2

odokkc ngo kvnggv:pc lulang gvla:nc taycng among lutad luncko ka:begto bottapakpc bc:dopc lutad luncko, “Sc:kobv yedla lc:nam potindcm yedlenpc arc kadagji yedlentoka odokkc odok tubjetnam kvdv:dcm la:pagla:dang?”

LUNGOR LUNAM 8:13

Odo ngo, go:nor pcttangkonc bottcru:pc bc:dopc kabnamko ka:to odokkc tadbegto, kapc cdc taycngtok pongkokto dcngo:la dungaji, “Mc:dvrc, mc:dvrc, cdc sc:kobulu mo:pvso du:do dagdoji, cdc ake tu:lung muddagdo okodcmbulum cdc taycng among lutad lunc awumdc mudpc cmna idu:ji!”