LUNGOR LUNAM 1:9 - ANU LUGOD N. T. (BSI)

⁹ Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 1:9 ပူးပေါင်းရင်းမြစ်များ

METIU 20:23

Bvm bulu luto, “Nolu ngok tv:nancdokki tv:yc, ckvdaggom ngok lagbvkpc odokkc ngok lakkepc tedmonamdcm ngok luscgla:nammang ckvdaggom cdc sck lcgang ngok Abubv mosv:la lc:tagnc odokbulukkc.”

MARKKC 10:39

Odo bulu Bvm luto, “Ngolu tv:la:dag.” Odokkc Jisubv bulum luto, “Ngok tv:nanc bati:do nolu tv:yc; odokkc ngok baptismo la:namdcm nolu la:mvnyc;

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

ROMANKVDVNG 8:25

Cmpige:la ngolu okodcm ka:begma:ji cdcm mc:tinmvlo, ngolu cdcm mentumsula toya:la du:do.

2 KORINTIANGKVDVNG 1:7

Noluk lcgang ngoluk mc:la du:namdc cngunmang; Kapila:nc ngolu kindag jc nolu kapc ngolu ipusire: pa:namkvdv:dcm ka:dumsudonc, nolusin ngoluk mc:polo mc:pomvnyc.

PILIPIANG KVDVNG 1:7

Cdcmpidag cdc ngokkcpc noluk appvngkc lcgangc mc:namdc mcnggoddag, kapila:nc ngok aisnbo nolum mcnggabla du:do, kapcnc nolu appvngc ngok makana:lo du:namlo odokkc lurasuddom odokkc tadponc lutad lunamdcm arro cmna ludodcm ngok lcdulo ayangcm pa:tc:mvnnc.

PILIPIANG KVDVNG 4:14

Ckvdaggom cdc nolujc ngom du:g gvddom gvmvntonc nolu ainc agercm gerto.

2 TISSALONIANG 3:5

Ru:tumbv noluk asinkvdv:dcm Ru:cpvnckc aipc mc:namdo:pc lukanlvglangka odokkc Kristokc du:tvdagtvnamdo:pc.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

LUNGOR LUNAM 1:2

Sc:ko Ru:ncpvnckc agomdcm lukanbikaji odokkc Jisu Kristokc lukanlubinamdcm, Bvk ka:nam appv:dcmci.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

LUNGOR LUNAM 1:6

Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

LUNGOR LUNAM 11:7

Odokkc cdvlo buluk lukanbinamcm lungaptoji, simvndc cdc du:tcrkama:pc o:rv:nc jiko:dokkc lenncdc bulum mimagcm moyc odokkc bulum mopvto odokkc bulum moketo,

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 13:10

Akonc jodi yc:bomkupcnammc, bv yc:bomkunamlo:pc gvdag, jodi sc:kaiyc madsvgdokki papakdo, madsvgru:dokki bvm papakpcnamc.

LUNGOR LUNAM 14:12

Cdcna aipc kumnc tani:kvdv:dok mentumsula du:dopc gognamko, cdc sc:kobulu Ru:ncpvnckc odokkc Jisukc mc:jvgdcm lulvg lunamdcm tadgabdagji.

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

LUNGOR LUNAM 20:4

Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.

LUNGOR LUNAM 6:9

Cdvlo bv anggo tubjetdcm moge:toji, ngo kumko palvgko kcvgdo cdc yalokvdv:dcm ka:begto sc:kobulu Ru:ncpvnckc agom lcgangc palvgtoji odokkc buluk lukanbinam lcgangc bulum onamai;

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.