LUNGOR LUNAM 1:8 - ANU LUGOD N. T. (BSI)

⁸ “Ngo Alpa:dc odokkc Omega:dc,” Ru:tum Ru:ncpvncdc ludag, sc:kobv du:ji odokkc sc:kobv dungaji odokkc sc:kobv gvkupcncdc:ji, cdc Appvngcm Migang ga:yangarncdc.

LUNGOR LUNAM 1:8 ပူးပေါင်းရင်းမြစ်များ

LUNGOR LUNAM 22:13

Ngo Alpa:dc:lang cdc Omega:dc, cdc dungangarncdc odokkc du:tcrdc, cdc du:lenpo:ncdc odokkc du:tcrdc.”

LUNGOR LUNAM 21:6

Odokkc Bv ngom luto, “Cdcm gerpvttobong! Ngo Alpa:dc:lang Omega:dc, cdc lenrobbomkang odokkc lentcrdc. Tv:lv:ncdcm ngo turnam jili:dok asscm murkong la:ma:pc tv:moyc.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

LUNGOR LUNAM 11:17

Ngolu nom aipai bido, “Ru:tum Ru:ncpvnna Appvngcm ilang gvla:na, sc:kobv du:ji odokkc sc:kobv dungaji, jc no bottcru:nc nok ilang-gvlangcm la:to odokkc migom dorobbomkang.

LUNGOR LUNAM 1:17

Cdvlo ngo Bvm ka:begtoji, Bvk alcdo sipagncmpc ngo owa:to. Cmpige:la Bvk lagbvg alagdcm ngom scmpc lula pigabto, “Pcsoyok, ngo lenpongarncdc odokkc lentcrncdc, odokkc turra du:ncdc;

LUNGOR LUNAM 2:8

“Odokkc Smirna mondoli:kvdv:dok taycng lutad luncdo:pc adtok: “Lenpongarncdok odokkc lentcrdok agomkvdv:dcm, taycng among lutaddo:pc adtoka:, sc:kobv sika:ji odokkc turkangkuji.

LUNGOR LUNAM 4:8

Odokkc turra du:nc simvn dorpi:dc, appv:dokkc alap akkcng akkcngko dung, kekon kesag appv:do odokkc ara:do amigc, odokkc longgcmna: yummcm cdvlosin ni:tomcm mongasumang: “Angunnc, angunnc, angunnc, cdc Ru:tum Ru:ncpvnc Ilang-glangarya:ncdc, Sc:kobv dungaji odokkc sc:kobv:ji odokkc gvpcncdc.”

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

LUNGOR LUNAM 19:15

Bvk nappa:dokkc kvnggv:pc radnc madsvgko lendag okodokki opvnkvdv:dcm papagamycji, odokkc bv bulum yogvr danggi: asongkokki ka:sv:la migom doyc; bv apo:mokodcm dungkinma:pc aglv:la sa:penyc cdc Appvngcm bottcya:nc Ru:ncpvnckc aglv:dokki.

LUNGOR LUNAM 16:14

kapcnc bulu uilok yalokvdvngc, kanggodcm lcngkannc kvdvngc, sc:kobulu mo:dopc mo:pv appvng migom kvdv:do:pc gvdagji, bulum lckopc gvkumsumopc odo Ru:ncpvnckc Appvngcm ilang gvlanckc longcdo mimag momopc cmna.

LUNGOR LUNAM 21:22

Odokkc ngo kumko okumcmsin nogordo ka:begtomang, kapcnc odok kumko okumdc Ru:tum Ru:ncpvncdcai cdc Appvngcm ilang-gvla:ncdc odokkc cdc Awome:r sobendc.

LUNGOR LUNAM 1:11

“Adtoka okodcm no ka:begdagji potindo odokkc cdcm mondoli: kvnvddo:pc mclvgtoka, Ipesu:pc odokkc Smirna:pc odokkc Pargamu:pc odokkc Tiatira:pc odokkc Sardi:pc odokkc Piladelpia:pc odokkc La-odikia:pc.”

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 16:7

Odokkc ngo palvgkkodcm kapdopc tatto, “C: Ru:tum Ru:ncpvncbv Appvng ilang-gvla:ncdc, nok kcba:ba:nam kvdv:dc arro odokkc arodc!”

LUNGOR LUNAM 19:6

Odokkc ngo gomugko tadbegto okodc kvnggv:pc yadkumsunc tani:lok jc:namcmpc, bojcrungko asilok bc:namcmpc odokkc scmpc jc:la kvnggv:pc bottapc mvrnc do:mvrcmpc, “Hallelujah! Kapcnc Ru:tumdc ngoluk Ru:ncpvncbv cdc Appvngcm ilang gvla:ncdc migomdodag.