LUNGOR LUNAM 1:6 - ANU LUGOD N. T. (BSI)

⁶ Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

LUNGOR LUNAM 1:6 ပူးပေါင်းရင်းမြစ်များ

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

JO:N 5:23

appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

ROMANKVDVNG 15:6

jc lckopc nolu gomug atcro:pc Ru:ncpvncmc amin gvmotoka odokkc Abudcm ngoluk Ru:tum Jisu Kristomc.

PILIPIANG KVDVNG 2:11

odokkc appvng aiyyo lude:supa:do jc Jisu Kristobv Ru:tumdc, Ru:ncpvnc Abudok amin gvnamdok gvdopc.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

1 PITOR 5:11

Bvkkcpc migom donamdc lo:dv longkvpc ika:langka. Amen.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

LUNGOR LUNAM 20:6

Sc:kobv turpongar kunamdcm turmvnyckunc bv akirba:d pa:nc! Odokbulukkcmpinc tayc:do sitenkunam sinamdokkc ilang gvlangc kama:bong, cmpige:la bulu Ru:ncpvnckc odokkc Kristokc kumnam agerlok igur gvgurncpc ingapycku, odokkc bulu Bvk lcdulo lv:ying dv:takkopc migom domvnyc.

LUNGOR LUNAM 4:11

“No arckancrungko, ngoluk Ru:tuma odokkc Ru:ncpvnc, amin gvnamclang mcnggcnammc, kapcnc no appvng attarcm ru:to, odokkc nok mcngkamki bulu du:dag odokkc ru:tungai.”

LUNGOR LUNAM 5:10

“Odokkc bulum migom doko amongkopc badmodag odokkc ngoluk Ru:ncpvnckcpc kumnam ager gernamlok bottarya:ncpc imodag, odokkc bulu mo:pvso migomdoyc.”