LU:KKC 9:39 - ANU LUGOD N. T. (BSI)

³⁹ Odokkc ka:toka, uikonc bvm gagla:ycm bv vgcmpc jc:sa:dag; cdc bvm kvnggv:pc tvrgvt-tvrmatdag a:put sa:ma:sisscm, odokkc mogcrcpge:la bvm mcpakla gvdakku, odokkc bvm airu:pc kimoge:la mcla gvdagku.

LU:KKC 9:39 ပူးပေါင်းရင်းမြစ်များ

MARKKC 9:18

Odokkc okoloi cdc bvm pa:dagnc, cdc bvm crtabdag; odokkc bvkkc a:put sa:dag odokkc bvk a:yckvdv:dcm dokcrcpsuge:la tornam kcng cmmodag; odokkc ngo nok agom tadjvgla gvmvnnc tani:kvdv:dcm cdcm mcnpakteika cmna luto, odokkc bulu mcnna:tomang.”

MARKKC 9:20

Bvm ngok kcra:so:pc gva:botok.” Odokkc bulu ko:dcm Bvk kcra:do:pc gva:boto; odokkc uidc Bvm ka:namci, vgcmpc cdc ko:dcm amvrcm tvrgvt turmatto, odokkc bv amo:do kcdangge:la kcdgong kcdgongkang, nappa:dok a:put rege:pc sa:la.

MARKKC 9:26

Odokkc jcngo:sula kabla bvm kvnggv:pc tvrgvt-tvrmatge:la, cdc gvlenkang, odokkc cdc ko:dc sinncmpc ikang; cdcmpc ika:nc jc abaya:ngc lukang, “Bv sipakkang.”

LU:KKC 4:35

Cmpige:la Jisub Bvm morvdla luto scmpc lula, “Aso:pc du:tok, odokkc bvkkolokkc gvlentok!” Odokkc buluk ara:do uidc bvm crtapnammc, bv bvkkolokkc gvlento, bv atvkosin mojokmorokma:pc.

LU:KKC 8:29

Kapila:nc Bv cdc narc:ma:nc yalodcm cdc tani:dokkcm gvlendopc lulvgto. (Kapila:nc bojcrung ayirko cdc bvm motapto; bvm ka:bomsula lcngka, odokkc yogvr ikoli:ki odokkc rvbvkokki yc:la lc:tungai, ckvdaggom bv yc:namkvdv:dcm edsotsuto odokkc uidokki sulli: amo:pc dugdungai.)

LU:KKC 9:38

Odokkc ka:toka, tani:kcrc:dok ara:dokkc tani: akonc jc:sangkang “Luyirna, ngok awodcm ka:teika cmna ngo kumdung, kapila:nc bv ngok awo atcrc;

LU:KKC 9:40

Odokkc ngo nok agom mcjvgla gvmvnnckvdv:dcm cdcm mcnpakteika cmna kumna luto, cmpige:la bulu mcnna:tomang.”

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

LUNGOR LUNAM 9:11

Buluk ara:lo migompc innc du:tcr kama:pc inc jiko:dok taycng among lutad lunnc dung; Hibriulo bvk amincm Abaddon cmtag, odokkc Giriklo bvm Apollion cmna gogdag.